లాక్డౌన్ కారణంగా ఇబ్బంది పడుతున్న ప్రతి పేద కుటుంబానికి ప్రభుత్వం రూ.5 వేలు అందించాలని టీపీసీసీ అధ్యక్షులు ఉత్తమ్కుమార్రెడ్డి డిమాండ్ చేశారు. 80 శాతం మంది రేషన్ బియ్యం తినడం లేదని.. వేరే బియ్యం కొనుగోలు చేసి తింటున్నారని వ్యాఖ్యానించారు. రేషన్ దుకాణాల ద్వారానే మంచి బియ్యం సరఫరా చేయాలని ప్రభుత్వానికి సూచించారు.
రాష్ట్రంలోని దీపం లబ్ధిదారులందరికి ఒక సిలిండర్ ఉచితంగా ఇవ్వాలని ఉత్తమ్ పేర్కొన్నారు. రాష్ట్రంలో చిక్కుకుపోయిన వలస కూలీలు ఆందోళనగా ఉన్నారని.. సహాయ చర్యలు పెంచాలని సూచించారు.
కందులు, మొక్కజొన్న డబ్బులను వెంటనే విడుదల చేయాలని ప్రభుత్వాన్ని డిమాండ్ చేశారు. పసుపు, బత్తాయి, నిమ్మ, మామిడిలో మార్కెట్ ఇంటర్వెన్షన్ చేపట్టాలన్నారు.
రాష్ట్రంలో కరోనా పరీక్షలు చాలా తక్కువగా ఉన్నాయని ఉత్తమ్ ఆరోపించారు. పరీక్షల సంఖ్య పెంచాలని ప్రభుత్వాన్ని కోరినట్లు తెలిపారు. కరోనా మృతులకు రూ.10 లక్షల పరిహారం ప్రకటించాలని డిమాండ్ చేశారు. రాష్ట్రంలో ప్రతిపక్షాలు లేవంటూ సీఎం అహంకారంతో మాట్లాడుతున్నారని, అది మంచిది కాదని అన్నారు.
ఇదీ చూడండి: ప్రైవేటు ఆస్పత్రుల్లో ఓపి లేక రోగుల విలవిల
