శ్రీశైలం జలాశయానికి కొనసాగుతున్న వరద...

కృష్ణా నదికి వరద నీరు పోటెత్తుతోంది. శ్రీశైల జలాశయం నిండుకుండలా మారింది. దిగువకు భారీగా నీటిని విడుదల చేస్తున్నారు.

శ్రీశైలం జలాశయానికి వరద స్థిరంగా కొనసాగుతోంది. 10 గేట్ల ద్వారా 7.51 లక్షల క్యూసెక్కులు సాగర్‌కు విడుదల చేస్తున్నారు. ఇవాళ ఉదయం 7 గంటలకు జలాశయం వద్ద ఇన్‌ఫ్లో 8.32 లక్షల క్యూసెక్కులు ఉండగా... ఔట్‌ఫ్లో 8.58 లక్షల క్యూసెక్కులుగా ఉంది. శ్రీశైలం జలాశయం పూర్తి నీటిమట్టం 885 అడుగులు కాగా.. ప్రస్తుత నీటిమట్టం 881.40 అడుగులకు చేరింది. జలాశయం పూర్తి నీటి నిల్వ 215.81 టీఎంసీలు కాగా ప్రస్తుత నీటి నిల్వ 195.66 టీఎంసీలు. ఎడమగట్టు విద్యుత్ కేంద్రం ద్వారా 38,140 క్యూసెక్కులను విడుదల చేశారు. కుడిగట్టు విద్యుత్ కేంద్రం ద్వారా 30,507 క్యూసెక్కుల నీటిని వదిలారు. అలాగే కల్వకుర్తి ఎత్తిపోతల పథకం ద్వారా 800 క్యూసెక్కులు.. హంద్రీనీవాకు 2,025 క్యూసెక్కుల నీరు పంపిణీ చేస్తున్నారు. పోతిరెడ్డిపాడు హెడ్ రెగ్యులేటరీ ద్వారా 35 వేల క్యూసెక్కులు విడుదల చేశారు.