గోమాతను జాతీయ ప్రాణిగా ప్రకటించాలని డిమాండ్ చేస్తూ నవంబర్ 5 నుంచి 7 వరకు హైదరాబాద్ నుంచి యాదాద్రి వరకు పాదయాత్ర నిర్వహిస్తామని యుగ తులసి ఫౌండేషన్ ఛైర్మన్, టీటీడీ పాలక మండలి సభ్యుడు శివ కుమార్ వెల్లడించారు. ఇందుకు సంబంధించిన సన్నాహక సమావేశాన్ని హైదరాబాద్ లక్డికాపుల్లోని ఓ హోటల్లో నిర్వహించారు.
ఈ కార్యక్రమంలో స్వామీజీలు , గో ప్రేమికులు పెద్ద సంఖ్యలో పాల్గొన్నారు. రాష్ట్రంలో లక్ష గోవుల గోశాల పెట్టాలన్నది తన లక్ష్యమని... ఈ లక్ష గోవులు కోసం స్థలం కావాలని ప్రభుత్వానికి విజ్ఞప్తి చేశామని శివ కుమార్ తెలిపారు. ఆవులు అంతరించిపోకముందే మనమే వాటిని రక్షించుకోవాలన్నారు.
ఇదీ చదవండి: ఈ సమయంలో రాజకీయాలు వెతక్కండి: సబితా ఇంద్రారెడ్డి
