ఉక్రెయిన్లో యుద్ధ పరిస్థితుల నుంచి తెలుగు వారిని సురక్షితంగా భారత్కు తీసుకువచ్చేందుకు చర్యలు వేగవంతమవుతున్నాయి. భారత రాయబార కార్యాలయం, అక్కడ విద్యాసంస్థల్లో విద్యార్థుల అడ్మిషన్లో సహాయపడిన సంస్థల సహకారంతో భారతీయ విద్యార్థులు స్వదేశీ బాట పడుతున్నారు. ఈ క్రమంలోనే ఉక్రెయిన్లోని ఉజొహోర్డ్ జాతీయ విశ్వవిద్యాలయం నుంచి 300 మంది విద్యార్థులను హంగేరీ తరలించే ప్రక్రియ ఇవాళ పూర్తయింది.
శుక్రవారం 350 మంది విద్యార్థులను ప్రత్యేక బస్సుల్లో హంగేరీకి చేర్చాయి. అక్కడ హంగేరీ బార్డర్ నుంచి భారత్కు రప్పించేలా కృషి చేస్తున్నాయి. ఈ సందర్భంగా ఉక్రెయిన్లో మెడిసిన్ చదువుతున్న తమ పిల్లలను భారత్కు తిరిగి పంపేలా చొరవ తీసుకుంటున్న ఆల్ఫా ఎడ్యుకేర్ కన్సల్టెన్సీ డైరెక్టర్ అఖిల్కు విద్యార్థులు, తల్లిదండ్రులు కృతజ్ఞతలు తెలియజేశారు.
ఇదీ చదవండి: Indians in Ukraine: 219 మంది భారతీయులతో బయల్దేరిన విమానం
