రాష్ట్రంలో కరోనా బారిన పడిన పాత్రికేయులకు 1,28,60,000 ఆర్థిక సాయం చేసినట్లు తెలంగాణ రాష్ట్ర మీడియా అకాడమీ ఛైర్మన్ అల్లం నారాయణ తెలిపారు. వారిలో పాజిటివ్ వచ్చిన 600 మందికి 20వేల చొప్పున... కోటి 20 లక్షలు, హోం క్వారంటైన్లో ఉన్న 86 మందికి పదివేలు చొప్పున 8,60,000 పంపిణీ చేసినట్లు తెలిపారు.
తాజాగా వివిధ జిల్లాలకు చెందిన జర్నలిస్టులకు కరోనా పరీక్షలు నిర్వహించగా... కొత్తగా మరో 73 మందికి పాజిటివ్ వచ్చిందని అన్నారు. వారికి ఆర్థిక సాయం వారి ఖాతాల్లో జమ చేసినట్లు తెలిపారు. పాజిటివ్ వచ్చిన పాత్రికేయులు తమ వివరాలతో పాటు వైద్యుల ధ్రువీకరణ పత్రాన్ని తెలంగాణ రాష్ట్ర మీడియా అకాడమి ఛైర్మన్ వాట్సప్ నెంబర్కి పంపాలని సూచించారు.
