Students Suicides In Telangana : రాష్ట్రంలో నిన్న విడుదలైన ఇంటర్ ఫలితాల్లో తాము ఫెయిలయ్యామని కొందరు, మార్కులు తక్కువగా వచ్చాయని మరికొందరు వివిధ జిల్లాల్లో మొత్తం 8 మంది విద్యార్థులు ఆత్మహత్యలకు పాల్పడ్డారు. పోలీసులు, కుటుంబసభ్యులు తెలిపిన వివరాల ప్రకారం..
*జగిత్యాల జిల్లాలోని ఓ ప్రైవేటు కాలేజీలో మేడిపల్లికి చెందిన విద్యార్థి (16) ఇంటర్మీడియట్ ఫస్ట్ ఇయర్ చదివాడు. పరీక్షల్లో 4 సబ్జెక్టుల్లో ఫెయిలయ్యాడని మనస్తాపానికి గురై ఇంట్లో ఉరి వేసుకున్నాడు.
*హైదరాబాద్‌లో ఓ కార్పొరేట్‌ విద్యాసంస్థలో నిజామాబాద్‌ జిల్లా ఆర్మూర్‌కు చెందిన విద్యార్థి(17) ఇంటర్ ప్రథమ సంవత్సరం(బైపీసీ) చదివాడు. మూడు సబ్జెక్టుల్లో ఫెయిలయ్యాడని ఇంట్లో ఉరి వేసుకున్నాడు.
*ఈసీఐఎల్‌ రామకృష్ణాపురంలో ఉంటూ, పటాన్‌చెరులో ఓ కాలేజీలో తిరుపతికి చెందిన విద్యార్థి (17) ఇంటర్(ఎంపీసీ) చదివాడు. రాసిన మొదటి సంవత్సరం పరీక్షల్లో ఫెయిల్ అవుతానని మనస్తాపంతో సోమవారం సాయంత్రం ఇంట్లో నుంచి బయటకు వెళ్లి తిరిగి రాలేదు. మంగళవారం ఉదయం మేడ్చల్‌ రైల్వేస్టేషన్లో పట్టాలపై అతడి మృతదేహం లభ్యమైంది. అతని ఫలితాలు తెలియలేదు.
*గద్వాల మండలంలోని ఓ గ్రామానికి చెందిన విద్యార్థి వయస్సు (17) హైదరాబాద్ ఓ ప్రైవేట్ కాలేజీలో చదువుతున్నాడు. ప్రథమ సంవత్సరం పరీక్షల్లో ఒక సబ్జెక్టులో ఫెయిల్ అవ్వడంతో మనస్తాపానికి గురై ఇంట్లో ఉరి వేసుకుని ఆత్మహత్యకు పాల్పడ్డాడు.
*ప్రకాశం జిల్లాకు చెందిన విద్యార్థిని(17) హైదరాబాద్‌లో ఓ ప్రైవేటు కళాశాలలో ఇంటర్(ఎంపీసీ) చదివుతుంది. విడుదవ అయిన ఫలితాల్లో ఫెయిల్ కావడంతో మానసిక ఒత్తిడికి గురై ఇంట్లో ఉరేసుకుంది.
*సికింద్రాబాద్‌లోని నేరేడ్‌మెట్‌ పోలీస్స్టేషన్ పరిధిలోని వినాయక్‌ నగర్‌కు చెందిన విద్యార్థి(17) ఓ ప్రైవేటు కళాశాలలో ఇంటర్ ద్వితీయ సంవత్సరం చదివాడు. ఒక సబ్జెక్టులో ఫెయిల్ అవడంతో ఇంట్లో ఫ్యాన్కు ఉరేసుకున్నాడు.
*ఖైరతాబాద్‌ తుమ్మలబస్తీకి చెందిన విద్యార్థి(17) ఎస్సార్‌నగర్‌లోని ఓ ప్రైవేటు కళాశాలలో ఇంటర్మీడియట్ రెండో సంవత్సరం పూర్తిచేశాడు. ఒక సబ్జెక్టులో తప్పడంతో ఇంట్లో ఉరివేసుకొని ఆత్మహత్య చేసుకున్నాడు.
