State Govt on GST Evasion Firms: తెలంగాణ వాణిజ్య పన్నుల శాఖ… అదనపు ఆదాయాన్ని పెంచుకునే మార్గాలను ఎంచుకుంది. కేంద్ర పరిహారం ఆగిపోవడంతో సొంత ఆదాయాన్ని పెంచుకునే దిశలో చర్యలు మొదలయ్యాయి. దాంతో జీఎస్టీ ఎగవేతదారులపై రాష్ట్ర ప్రభుత్వం ప్రత్యేకంగా దృష్టిసారించింది. కేంద్రం నుంచి జీఎస్టీ పరిహారం ఈ జూన్ నుంచి ఆగిపోవడంతో సొంతరాబడులు పెంచుకునేలా రాష్ట్రవాణిజ్య పన్నుల శాఖ చర్యలు చేపట్టింది.
దీంతో వ్యాపార సంస్థలవారీగా ఆయా సంస్థలు వేస్తున్న రిటర్న్‌లను... హైదరాబాద్ ఐఐటీ అధికారులతో కలిసి వాణిజ్య పన్నుల శాఖ అధికారులు పరిశీలించారు. ఇందుకోసం ఇప్పటికే 16 మంది చురుకైన అధికారులను ఎంపిక చేసి ప్రయోగాత్మకంగా తనిఖీలు నిర్వహించారు. స్వాధీనం చేసుకున్న రికార్డులను పూర్తిస్థాయిలో పరిశీలిస్తున్నారు. వాటితోపాటు మరికొన్ని బడా సంస్థల కార్యకలాపాలపైనా నిఘాపెట్టారు. వాటి వ్యాపార లావాదేవీలు, ఆర్ధిక స్థితిగతులు పరిశీలిస్తున్నారు.
అందులో భాగంగా సుశీ ఇన్‌ఫ్రా సహా అనుబంధ సంస్థల్లో దాడులుచేసి రికార్డులను స్వాధీనం చేసుకున్నారు. మూడు రోజులుగా వందమందికి పైగా అధికారులు ఆ సంస్థల రికార్డులు పరిశీలిస్తున్న్నారు. బడా సంస్థల్లో తనిఖీలు సహా తక్కువ జీఎస్టీ చెల్లించిన ఎగవేతదారుల పనిపట్టడం, పాతబకాయిల వసూలు... కోర్టు కేసుల్ని వన్‌టైం సెటిల్మెంట్ ద్వారా పరిష్కారం చేసుకునేలా వాణిజ్య పన్నుల శాఖ చర్యలు చేపట్టింది. అవకాశం ఉన్నంత వరకు ప్రతినెల సాధారణ రాబడి కంటే కనీసం రూ.500 కోట్లు వసూలు చేయాలని నిర్ణయించారు. తొలుత కోమటిరెడ్డి రాజగోపాల్ రెడ్డి తనయుడు సంకీర్త్ రెడ్డి కార్యనిర్వాహక అధ్యక్షుడిగా కొనసాగుతున్న సుశీ ఇన్‌ఫ్రా నుంచి మొదలైన తనిఖీలు మరిన్ని సంస్థలపై దాడులు నిర్వహించేలా జాబితా సిద్ధంచేసినట్లు తెలుస్తోంది.
ఇవీ చదవండి:
