Telangana Decade Celebrations 2023 : 'కేసీఆర్‌ సీఎంగా ఉంటేనే పేదలకు సంక్షేమ ఫలాలు'

Telangana Decade Celebrations On Welfare Day : తెలంగాణ దశాబ్ది ఉత్సవాల్లో భాగంగా రాష్ట్రవ్యాప్తంగా సంక్షేమ దినాన్ని ఘనంగా నిర్వహించారు. పదేళ్లలో ప్రజాసంక్షేమానికే బీఆర్​ఎస్​ సర్కార్ పట్టం కట్టిందని గులాబీ నేతలు స్పష్టం చేశారు. నిరుపేదలకు ఆసరా పింఛన్లు, పేదింటి ఆడపిల్లకు కల్యాణ లక్ష్మి, షాదీ ముబారక్‌ ఇలా ఎన్నో సంక్షేమ పథకాలను అమలు చేస్తున్నట్లు వివరించారు. మరోసారి కేసీఆర్‌ సీఎంగా ఉంటేనే పేదలకు సంక్షేమ ఫలాలు నిరాటంకంగా అందుతాయని మంత్రులు పేర్కొన్నారు.

Telangana Decade Celebrations to day special Welfare Day : దశాబ్ది ఉత్సవాల్లో భాగంగా సంక్షేమ దినాన్ని హైదరాబాద్‌ సహా జిల్లాల్లో అట్టహాసంగా జరిపారు. దేశంలో ఎక్కడాలేని సంక్షేమ పథకాలు దళిత బంధు, రైతుబంధు, కళ్యాణ లక్ష్మి, షాదీ ముబారక్, ఆసరా పెన్షన్లను ఇస్తున్న ఘనత కేసీఆర్‌ దేనని హోంమంత్రి మహమూద్‌ అలీ తెలిపారు. దశాబ్ది ఉత్సవాల్లో భాగంగా హైదరాబాద్‌ అంబర్‌పేటలో నిర్వహించిన గిరిజనాభివృద్ధి ప్రగతి నివేదిక సంబరాల్లో పాల్గొన్నారు. మహిళా స్వయం సహాయక సంఘాలకు కోటి రూపాయల చెక్కులు, కులవృత్తుల వారికి లక్ష సాయం అందజేశారు.

వరంగల్ రాయపర్తి మండలం క్రిష్టాపురం వద్ద కార్యక్రమంలో మంత్రి ఎర్రబెల్లి దయాకర్‌రావు పాల్గొన్నారు. కాంగ్రెస్‌ లక్ష్యంగా మంత్రి ఎర్రబెల్లి విమర్శలు గుప్పించారు. రాష్ట్ర అభివృద్ది దిశగా ముందుకు సాగుతున్న క్రమంలో ప్రతిపక్షాలు అభివృద్ధికి అడ్డుపడుతున్నాయని ఆరోపించారు. ఖమ్మం జిల్లా పెనుబల్లి జూనియర్ కళాశాల మైదానం ఆవరణలో జరిగిన కార్యక్రమంలో ఎమ్మెల్యే సండ్ర వెంకట వీరయ్య గొల్ల, కురుమలకు గొర్రెలను పంపిణీ చేశారు. కులవృత్తుల దారులకు లక్ష రూపాయల నగదు పంపిణీ చేశారు.

Second phase sheep distribution program in Telangana : 143 మంది లబ్ధిదారులకు కల్యాణ లక్ష్మి, షాదీ ముబారక్ చెక్కులతో పాటు ఎమ్మెల్యే సొంతంగా చీరలను బహుకరించారు. సంక్షేమ పథకాలు కొనసాగాలంటే కేసీఆర్​ మరోసారి ముఖ్యమంత్రి కావాలని మంత్రి పువ్వాడ అజయ్ కుమార్ ఆకాంక్షించారు. ఖమ్మంలో సంక్షేమ సంబురాల్లో పాల్గొన్న మంత్రి బీసీ లబ్ధిదారులకు లక్ష రూపాయల నగదు సాయాన్ని అందజేశారు. అంబేడ్కర్ ఆశయస్ఫూర్తితో పేద వర్గాలకు ప్రభుత్వ సంక్షేమ పథకాలు అందిస్తున్న ఘనత కేసీఆర్‌కే దక్కుతుందని జూబ్లీహిల్స్ ఎమ్మెల్యే మాగంటి గోపీనాథ్ అన్నారు.

"ఇవాళ అవ్వతాతలు కేసీఆర్​ను​ పెద్ద కొడుకులా చూసుకుంటున్నారు. ప్రతిపక్షాలకు దమ్ముంటే విభజన హామీలను నెరవేర్చాలని విజ్ఞప్తి చేస్తున్నాను. కేసీఆర్​ ఉంటేనే అభివృద్ధి.. కేసీఆర్​ ఉంటనే సంక్షేమ పథకాలు రాష్ట్రంలో అమలు అవుతాయి".- హరీశ్​రావు, ఆర్థిక శాఖ మంత్రి

Telangana Decade Celebrations on mlc kavitha : హైదరాబాద్‌ జూబ్లీహిల్స్ కార్మిక నగర్, యూసుఫ్ గూడ చౌరస్తాలో అంబేడ్కర్‌ విగ్రహాలను ఎమ్మెల్యే మాగంటి ఆవిష్కరించారు. తెలంగాణలో సంక్షేమానికి స్వర్ణయుగం చూపించిన ఏకైక వ్యక్తి సీఎం కేసీఆర్ అని ఎమ్మెల్సీ కవిత స్పష్టం చేశారు. నిజామాబాద్ జిల్లా డిచ్ పల్లిలో సంక్షేమ సంబరాల్లో పాల్గొన్న కవిత బీసీ బంధు పథకం లబ్ధిదారులకు లక్ష రూపాయల చెక్కులు పంపిణీ చేశారు. పేదల కడుపు నింపేందుకే ఆసరా పెన్షన్లు ప్రారంభించారని తెలిపారు. ఈ స్థాయిలో సంక్షేమ పథకాలు అమలు చేసిన ఘనత సీఎం సొంతమని చెప్పారు.

హనుమకొండ జిల్లా దామెరలో పరకాల ఎమ్మెల్యే చల్లా ధర్మారెడ్డి పాల్గొని నిరుపేదలకు ఇంటి స్థల పత్రాలతో పాటు కల్యాణ లక్ష్మి షాదీ ముబారక్ చెక్కులను లబ్ధిదారులకు అందజేశారు. నారాయణపేట సంక్షేమ సంబరాలకు హాజరైన ఎమ్మెల్యే రాజేందర్ రెడ్డి గొల్ల, కురుమలకు రెండో విడత గొర్లెను పంపిణీ చేశారు. ఇళ్ల స్థలాల పట్టాలు, కుల వృత్తుల వారికి లక్ష రూపాయల చెక్కులు, కల్యాణ లక్ష్మి, షాదిముబారక్ చెక్కులు పంపిణీ చేశారు.

ఇవీ చదవండి:

• Telangana Decade Celebrations 2023 : ఊరూవాడా సంబురం.. అట్టహాసంగా తెలంగాణ దశాబ్ది ఉత్సవం