సీఎం కేసీఆర్​కు బండి సంజయ్​ లేఖ

కరోనా విపత్తును ఎదుర్కొనే విషయంలో రాష్ట్ర సర్కారుకు తమ పూర్తి సహకారం ఉంటుందని భాజపా రాష్ట్ర అధ్యక్షుడు ఎంపీ బండి సంజయ్‌ స్పష్టం చేశారు. కేసీఆర్​కు సంజయ్ లేఖ రాశారు.

తెలంగాణలోని లక్షలాది మంది భాజపా కార్యకర్తలు కరోనాపై రాష్ట్ర ప్రభుత్వం చేపట్టే కార్యక్రమాల్లో పాల్గొనడానికి సిద్ధమని ఆ పార్టీ రాష్ట్ర అధ్యక్షుడు బండి సంజయ్​ ప్రకటించారు. ఈ మేరకు ఆయన ముఖ్యమంత్రి కేసీఆర్‌కు లేఖ రాశారు. ప్రతి భాజపా కార్యకర్త కరోనా వ్యతిరేక సేవకుడిగా సేవలందించాలని పిలుపునిచ్చారు.

నిత్యావసర వస్తువుల ధరలు పెరగకుండా దళారులపై చర్యలు తీసుకోవాలని సీఎంకు బండి సంజయ్​ విజ్ఞప్తి చేశారు. కరోనాను కేంద్రం ఆయుష్మాన్ భారత్‌లో చేర్చిన దృష్ట్యా తెలంగాణలో కూడా ఆయుష్మాన్ భారత్‌ను అమలు చేయాలని కోరారు.