పరిషత్ ఎన్నికలు నిర్వహించుకోవచ్చని ఏపీ హైకోర్టు డివిజన్ బెంచ్ ఇచ్చిన తీర్పుపై తెలుగుదేశం తరఫున సుప్రీంకోర్టులో అప్పీల్కు వెళ్తున్నట్లు పార్టీ పొలిట్ బ్యూరో సభ్యుడు వర్ల రామయ్య తెలిపారు. డివిజన్ బెంచ్ ఇచ్చిన తీర్పు సంతృప్తికరంగా లేనందునే, సుప్రీంకోర్టు తీర్పు ఉల్లంఘన జరిగిందనే విషయాన్ని వివరిస్తూ అప్పీల్కు వెళ్లాలని నిర్ణయించినట్లు వెల్లడించారు.
వైకాపా ప్రభుత్వం అప్రజాస్వామికంగా వెళ్తుంటే చూస్తూ ఊరుకోమన్న వర్ల రామయ్య.. నోటిఫికేషన్కు నాలుగు వారాల వ్యవధి ఉండాలనే నిబంధనను ఎన్నికల సంఘం ఉల్లంఘించిందని ఆరోపించారు. తెదేపా అధినేత చంద్రబాబు.. పార్టీ ముఖ్య నేతలందరితో సమావేశం నిర్వహించిన అనంతరమే సుప్రీంకోర్టుకు వెళ్లాలని నిర్ణయించినట్లు వర్ల రామయ్య చెప్పారు. వైకాపా ప్రభుత్వంపై ఎంతవరకైనా పోరాడతామని స్పష్టం చేశారు.
ఇదీ చూడండి: టీఆర్‌ఎస్‌ఎల్పీలో టీడీఎల్పీ విలీనం
