పోలీసు సంక్షేమ నిధికి సువెన్​ ఫార్మా రూ.50లక్షలు విరాళం

సువెన్​ ఫార్మాసూటికల్స్​ సీఈవో వెంకట్​ జాస్తి రూ.50 లక్షలు పోలీసు సంక్షేమ నిధికి విరాళమిచ్చారు. శనివారం ఈమొత్తాన్ని చెక్కురూపంలో డీజీపీ మహేందర్​ రెడ్డికి అందజేశారు.

కరోనా కట్టడి చర్యల్లో అహర్నిశలు శ్రమిస్తున్న పోలీసుల సంక్షేమానికి సువెన్​ ఫార్మా లిమిటెడ్​ విరాళం ప్రకటించింది. రూ.50లక్షలు చెక్కును ఆ సంస్థ ఛైర్మన్​, సీఈవో వెంకట్​ జాస్తి... డీజీపీ మహేందర్​ రెడ్డికి అందజేశారు. లాక్​డౌన్​ నేపథ్యంలో పోలీసు శాఖ సేవలను ఆయన ప్రశంసించారు.

విధుల్లో ఉన్న సిబ్బంది కోసం అవసరమైన పరికరాలు అందించాలని ఆయన కోరారు. నిత్యావసరాలు, మందులు తదితర రవాణాలో కీలక పాత్ర పోషిస్తున్న పోలీసుల కృషిని అభినందించారు.

ఇదీ చూడండి: రాష్ట్రంలోని 23 జిల్లాలకు వ్యాపించిన వైరస్‌