బోటు ప్రమాదంలో గల్లంతైన సుశీల్ ​మృతదేహానికి అంత్యక్రియలు

పాపికొండల వినోదయాత్ర బోటు ప్రమాదంలో గల్లంతైన హైదరాబాద్ రామాంతపూర్ ఆర్టీసీ కాలనీకి చెందిన సుశీల్ మృతదేహాన్ని వారి బంధువులు ఆర్టీసీ కాలనీలోని తమ నివాసానికి తీసుకొచ్చి అంత్యక్రియలు నిర్వహించారు. మృతుడి తల్లిదండ్రుల ఆచూకీ ఇంకా లభ్యం కాలేదు.

అమెరికా వెళ్తాడని ఆశ పడిన సుశీల్​ ఇంట్లో విషాదఛాయలు అలుముకున్నాయి. కుటుంబం మొత్తం పాపికొండల వినోదయాత్ర బోటు ప్రమాదంలో గల్లంతయ్యారు. ఐదురోజుల తర్వాత సుశీల్​ మృతదేహం లభ్యం అయినా అతని తల్లిదండ్రులైన పవన్, భవానీ ఆచూకీ ఇంకా దొరకలేదు. బాగా కుళ్లిన స్థితిలో ఉన్న సుశీల్​ మృతదేహానికి వారి బంధువులు రామాంతపూర్ ఆర్టీసీ కాలనీ​లోని అతని ఇంటికి తీసుకొచ్చి అంత్యక్రియలు నిర్వహించారు.

ఇదీ చూడండి: రోజులు గడుస్తున్నా... లభించని మృతుల ఆచూకీ !