'రేషన్​కార్డుల పునరుద్ధరణపై తుది నిర్ణయం హైకోర్టుదే'

తెలంగాణలో రేషన్​కార్డుల పునరుద్ధరణ ఆదేశాలపై తిరిగి హైకోర్టునే ఆశ్రయించాలని రాష్ట్ర ప్రభుత్వానికి సుప్రీంకోర్టు సూచించింది. హైకోర్టులో ఇంకా విచారణ ఉన్నందున అక్కడే దరఖాస్తు దాఖలు చేసుకోవాలని..ఆ సవరణ దరఖాస్తులోని వాస్తవాలను పరిశీలించి హైకోర్టు నిర్ణయం తీసుకుంటుందని వెల్లడించింది

తెలంగాణలో రేషన్​కార్డుల పునరుద్ధరణ ఆదేశాలపై తిరిగి హైకోర్టునే ఆశ్రయించాలని రాష్ట్ర ప్రభుత్వానికి సుప్రీంకోర్టు సూచించింది. రేషన్​ కార్డుల తొలగింపుపై హైకోర్టు ఇచ్చిన మధ్యంతర ఆదేశాలను సవాలు చేస్తూ తెలంగాణ ప్రభుత్వం దాఖలు చేసిన పిటిషన్​ను జస్టిస్​ అశోక్​ భూషణ్​ ధర్మాసనం వివరించింది. సర్కారు తరపున అదనపు సొలిసిటరీ జనరల్​ అమన్​ లేఖి, న్యాయవాది పాల్వాయి వెంకట్​రెడ్డి వాదనలు వినిపిస్తూ.. గత మూడేళ్లలో అనర్హులను గుర్తించి రేషన్​ కార్డులను తొలగించామని ఇప్పటికిప్పుడు తీసుకున్న నిర్ణయం కాదని కోర్టు దృష్టికి తీసుకువచ్చారు.

అనర్హులకు తిరిగి పునరుద్ధరించడం వీలు కాదని.. రాష్ట్రంలో కరోనా సంక్షోభ సమయంలో నిత్యావసరాల కావాల్సిన అందరికీ రూ.1,500 నగదుతో పాటు రేషన్​ అందించామని వాదించారు. హైకోర్టులో ఇంకా విచారణ ఉన్నందున ఆదేశాలను సవరించాలని అక్కడే దరఖాస్తు దాఖలు చేసుకోవాలని సుప్రీంకోర్టు ప్రభుత్వానికి సూచిస్తూ పిటిషన్​పై విచారణను ముగించింది. ప్రభుత్వం దాఖలు చేసే సవరణ దరఖాస్తులోని వాస్తవాలను పరిశీలించి హైకోర్టులో నిర్ణయం తీసుకుంటుందని సుప్రీం అభిప్రాయపడింది.

ఇదీ చూడండి: సరిహద్దుల్లో ఉద్రిక్తతల వెనుక చైనా వ్యూహాలివే!