దయాగుణం, సత్యం పరస్పరం కలిసే ఉంటాయి. అలాగే ధర్మం, శాంతి ఒకదానికొకటి పెనవేసుకుని ఉంటాయి-ఏసుక్రీస్తు
మనం బుజ్జి బుజ్జి గంటలూ, చిన్న చిన్న నక్షత్రాలు, రంగురంగుల లైట్లతో అలంకరించే క్రిస్మస్ చెట్లు నిజంగానే ఉన్నాయి. అదీ ఒక్కటి రెండు కాదు ఎన్నో రకాలున్నాయి.
ఆహ్లాద ‘పైన్‌’
- ఇవి సుమారు 3 నుంచి 80 మీటర్ల ఎత్తు పెరుగుతాయి. దాదాపు ప్రపంచవ్యాప్తంగా విస్తరించి ఉన్నాయి.
- వీటిలోనూ కొన్ని రకాలుంటాయి.
- వీటికి సన్నని పొడవైన ఆకులుండి చివర్లో చిన్న చిన్న గోధుమ రంగులో ఉన్న పువ్వుల్లా ఆకర్షణీయంగా ఉంటాయి.
ఆనందాల ‘సైప్రస్‌’
- ఇవి దాదాపు 35 నుంచి 70 మీటర్ల ఎత్తు పెరుగుతాయి.
- వీటిలో అరిజోనా సైప్రస్‌, లేలాండ్‌ సైప్రస్‌ అనే రకాలను క్రిస్మస్ ట్రీగా వినియోగిస్తారు.
- ఇందులో లేలాండ్‌ సైప్రస్‌ చెట్టునుంచి ఎటువంటి వాసనా రాదు. సువాసన వద్దనుకునేవారు దీన్ని క్రిస్మస్ చెట్టుగా అలంకరించుకుంటారు.
- అరిజోనా సైప్రస్‌ ఆకులు చివర్లో చిన్న పసుపు రంగు బల్బులు అమర్చినట్లు భలే గమ్మత్తుగా ఉంటాయి. వీటి కాయలు గుండ్రంగా బూడిద రంగులో ఉంటాయి.
‘ఫిర్‌’తో జోష్‌
- ఇవి దాదాపు 10 నుంచి 80 మీటర్ల ఎత్తు వరకు పెరుగుతాయి.
- ఎక్కువగా ఉత్తర, మధ్య అమెరికా, యూరప్‌, ఆసియా, ఉత్తర ఆఫ్రికాలోని పర్వతాల్లో కనిపిస్తాయి.
- ఇందులోనూ మళ్లీ కొన్ని రకాలున్నాయి. వీటిని బట్టి వాటి ఆకుల రంగులు, వాసనల్లో చిన్న చిన్న తేడాలుంటాయి.
- వీటికి చిన్న చిన్న ముళ్లులాంటి ఆకులుండి చివర్లో గుండ్రటి గింజలుంటాయి.
సేడార్‌’ దారుల్లో..
- వీటిని మన దగ్గర దేవదారు చెట్లంటారు. ఇందులో రెడ్‌ సేడార్‌ను క్రిస్మస్ ట్రీగా ఉపయోగిస్తారు.
- తూర్పు ఎర్ర దేవదారు, పెన్సిల్‌ దేవదారు, సుగంధ దేవదారు అనీ పిలుస్తారు.
- ఇవి దాదాపు 40 మీటర్ల ఎత్తు వరకు పెరుగుతాయి.
- ఆకుపచ్చని సన్నని ఆకులుంటాయి. వీటికి తెల్లని చిన్న గుండ్రటి కాయలుంటాయి.
‘స్ప్రూస్‌’తో ఏర్పాట్లు పూర్తి!
- ఇవి దాదాపు 20 నుంచి 60 మీటర్ల ఎత్తు పెరుగుతాయి.
- ఉత్తర అమెరికా సమశీతోష్ణ ప్రాంతాల్లో ఎక్కువగా కనిపిస్తాయి.
- ఇందులో బ్లూ స్ప్రూస్‌, నార్వే స్ప్రూస్‌, వైట్‌ స్ప్రూస్‌ అనే రకాలున్నాయి.
- ఎక్కువగా బ్లూ స్ప్రూస్‌ను అక్కడి వారు క్రిస్మస్ చెట్టుగా అలంకరిస్తారు.
ప్రస్తుతం మనం అలంకరిస్తున్న క్రిస్మస్ చెట్లను మొదటగా 16వ శతాబ్దంలో జర్మనీ వారు ఉపయోగించారు.
ఇదీ చూడండి: ఇవాళ క్రిస్మస్ పర్వదినం
