దిశ ఘటన నేపథ్యంలో రాష్ట్రవ్యాప్తంగా మహిళలు, యువతుల్లో అభద్రతా భావాన్ని తొలగించేందుకు అవగాహన సదస్సులు నిర్వహిస్తున్నారు. పోలీసు విభాగం, ప్రాసిక్యూసన్స్ డైరెక్టరేట్లు సదస్సులు నిర్వహించాయి. మహిళా కళాశాలలు, విద్యాసంస్థల్లో నిర్వహించిన ఈ కార్యక్రమాలకు ఆయా జిల్లాల పోలీస్ అధికారులు, పబ్లిక్ ప్రాసిక్యూటర్లు హాజరయ్యారు.
మహిళలు, పిల్లల పట్ల రాష్ట్ర ప్రభుత్వం ముఖ్యంగా పోలీస్ శాఖ చేపట్టిన చర్యల గురించి అధికారులు వివరించారు. అత్యవసర సమయాల్లో డయల్ 100కు ఫోన్ చెయడం, హాక్ ఐ మొబైల్ యాప్ను వినియోగించడంపై అవగాహన కల్పించారు. బాలలు, మహిళలకు చట్ట పరమైన హక్కులపై ఈ సదస్సులో తెలియజేశారు. విద్యార్థినులు అడిగిన పలు సందేహాలకు పబ్లిక్ ప్రాసిక్యూటర్లు సమాధానం ఇచ్చారు. ఈ తరహా సదస్సులను రాష్ట్ర వ్యాప్తంగా అన్ని విద్యా సంస్థల్లో నిర్వహించే విధంగా ప్రణాళిక రచిస్తున్నారు.
ఇవీ చూడండి:'మహిళలకు డయల్ 100పై అవగాహన అవసరం'
