చెక్‌పోస్టుల వద్ద రోడ్లపైకి వస్తున్న వాహనదారులను నియంత్రిస్తున్న పోలీసులకు తెలంగాణ వైద్యుల సమాఖ్య ఫేస్ ఫీల్డ్‌లను అందజేసింది. నగర పోలీసు కమిషనర్‌ కార్యాలయం వద్ద ఏర్పాటు చేసిన ఫేస్ షీల్డ్‌ల పంపిణీ కార్యక్రమంలో సినీ కథానాయకుడు విజయ్ దేవరకొండ, దర్శకుడు ఎన్.శంకర్, సీపీ అంజనీ కుమార్ పాల్గొన్నారు.
వైరస్‌ వ్యాప్తి నిరోధించడానికి పోలీసులు కీలకమైన విధులు నిర్వర్తిస్తున్నారని విజయ్ దేవరకొండ అన్నారు. లాక్డౌన్‌ విజయవంతం కావడంలో పోలీసులు తమ వంతు పాత్ర పోషిస్తున్నారని, ప్రజలు అనవసరంగా రోడ్లపైకి రావద్దని... ఇళ్లలో ఉంటూ స్వీయ నియంత్రణ పాటించాలని కోరారు. ఫేస్ షీల్డ్‌లు విధి నిర్వాహణలో ఉండే పోలీసులకు ఎంతో ఉపయోగపడతాయని సీపీ అంజనీకుమార్‌ అన్నారు.
పోలీసులకు ఫేస్ పీల్డులను అందించిన వైద్యుల సమాఖ్య
ఇవీచూడండి: ప్రపంచవ్యాప్తంగా 'లక్ష' దాటిన కరోనా మరణాలు
