STAMPS, REGISTRATION DEPT COLLECTIONS: రాష్ట్రంలో వ్యవసాయ, వ్యవసాయేతర భూములు, ఆస్తుల విలువలు పెరిగినట్లుగా రిజిస్ట్రేషన్ ఆదాయమూ పెరుగుతోంది. ప్రత్యేక రాష్ట్రం ఏర్పాటైన నాటితో పోల్చితే.... ప్రస్తుతం స్టాంపులు, రిజిస్ట్రేషన్ శాఖ నుంచి వస్తున్న ఆదాయం ఐదు రెట్లు పెరిగింది. 2014-15 ఆర్థిక సంవత్సరం రిజిస్ట్రేషన్ శాఖకు కేవలం 2వేల 745కోట్ల రాబడి వచ్చింది. 2015-16 ఆర్థిక ఏడాదిలో 10లక్షల52 వేల డాక్యుమెంట్లు రిజిస్ట్రేషన్(DOCUMENT REGISTRATION) అయ్యి.... 3వేల786 కోట్ల ఆదాయం వచ్చింది. 2016-17 ఆర్థిక సంవత్సరంలో 10లక్షల63వేల డాక్యుమెంట్లు రిజిస్ట్రేషన్లు జరిగి 4వేల249 కోట్ల రూపాయల రాబడులు వచ్చాయి. 2017-18లో 11లక్షల50వేల రిజిస్ట్రేషన్లతో 5వేల177 కోట్లు సమకూరాయి. 2018-19లో 15లక్షల 32 వేల రిజిస్ట్రేషన్లతో 6వేల 612 కోట్ల రాబడి వచ్చింది. 2019-20 ఆర్థిక సంవత్సరంలో 16లక్షల 58వేల డాక్యుమెంట్లు రిజిస్ట్రేషన్లు జరగ్గా.....7వేల61 కోట్లు ఆదాయం ఖజానాకు చేరింది.
అప్పుడు అలా.. ఇప్పుడు ఇలా..
2020-21 ఆర్థిక సంవత్సరం స్టాంపులు, రిజిస్ట్రేషన్ల శాఖ ద్వారా పదివేల కోట్ల రూపాయల ఆదాయాన్ని ప్రభుత్వం లక్ష్యంగా పెట్టుకుంది. కానీ కరోనా ఉద్ధృతితో నిర్దేశించిన లక్ష్యాన్ని ఆరు వేల కోట్లకు ప్రభుత్వం సవరించింది. అయినా ఆశించిన మేర రాబడి లేదు. 2020-21 ఆర్థిక సంవత్సరంలో 10లక్షల76వేల డాక్యుమెంట్లు రిజిస్ట్రేషన్లు కాగా...5వేల260 కోట్ల ఆదాయం వచ్చింది. ఇక ఇప్పుడు నడుస్తున్న 2021-22 ఆర్థిక ఏడాదిలో... గడిచిన పదినెలల్లో 10 లక్షలకుపైగా డాక్యుమెంట్లు రిజిస్ట్రేషన్లు జరిగి...9వేల843 కోట్ల ఆదాయం వచ్చినట్లు అధికారిక లెక్కలు స్పష్టం చేస్తున్నాయి.
గడిచిన ఆరు రోజుల్లో..
జూలైలో రిజిస్ట్రేషన్ ఛార్జీలు, భూములు, ఆస్తుల విలువలను ప్రభుత్వం పెంచింది. ఈ నెలలో మళ్లీ వ్యవసాయ, వ్యవసాయేతర భూములు, ఆస్తుల విలువలు సర్కారు పెంచింది. గడిచిన ఆరు రోజుల్లో...ప్రతి రోజు 5 వేలకుపైగా డాక్యుమెంట్లు రిజిస్ట్రేషన్ అవుతూ 45నుంచి 50కోట్లకు తక్కువ లేకుండా ఆదాయం వస్తున్నట్లు స్టాంపులు రిజిస్ట్రేషన్ల శాఖ చెబుతోంది.
పెరిగిన రిజిస్ట్రేషన్ విలువలతో సర్కారు ఖజానాకు మరింత ఆదాయం సమకూరుతుందని అధికారులు అంచనా వేస్తున్నారు.
ఇదీ చూడండి: CM KCR Yadadri Visit: యాదాద్రిలో కేసీఆర్ పర్యటన.. పునర్నిర్మాణ పనులపై దిశానిర్దేశం..
