కల్యాణం.. కమనీయం.. కోదండ రాముని వైభోగం..

జానకీరాముల కల్యాణం రాష్ట్రంలో పలుచోట్ల అంగరంగ వైభవంగా జరిగింది. హైదరాబాద్ తాడ్​బండ్ వీరాంజనేయ స్వామి ఆలయంలో జరిగిన వేడుకలో దశరథరాముని వివాహం సీతమ్మతో కన్నులపండువగా సాగింది.

శ్రీరామ నవమి సందర్భంగా సికింద్రాబాద్ తాడ్‌బండ్ లోని శ్రీ వీరాంజనేయస్వామి ఆలయంలో శ్రీ సీతారాముల కల్యాణం ఘనంగా జరిగింది. ఈ వేడుకకు కార్మికశాఖ మంత్రి మల్లారెడ్డి దంపతులు పాల్గొన్నారు. జై శ్రీరామ్ నినాదాలతో ఆలయమంతా ఆధ్యాత్మిక శోభను సంతరించుకుంది. వేడుకకు ఆలయాన్ని రకరకాల పూలు, పళ్లతో అలంకరించారు. ఈ ఉత్సవానికి పెద్ద ఎత్తున భక్తులు పాల్గొన్నారు. శ్రీరామ నామస్మరణతో ఆలయ పరిసరాలు పులకించాయి. అనంతరం అన్నదాన కార్యక్రమం నిర్వహించారు.

ఇవీ చూడండి: వీడియో తీశారు... రిమాండ్​కు వెళ్లారు...