దూద్ దురంతో ప్రత్యేక రైళ్లు ప్రారంభంలో రోజు విడిచి రోజు నడిచినప్పటికీ.. డిమాండ్‌ దృష్ట్యా జూలై 15 నుంచి రోజువారీగా ప్రత్యేక రైళ్లను నడిపిస్తున్నారు. డిసెంబర్‌ 17 నాటికి 5 కోట్ల లీటర్లకు పైగా పాలను సరఫరా చేసింది. రేణిగుంట నుంచి న్యూదిల్లీకి పాలను సరఫరా చేసిన ఈ రైలు.. దేశ వ్యాప్తంగా పాల సరఫరాలో ప్రధాన పాత్ర పోషించింది.
దీని ప్రాముఖ్యతను పరిగణలోకి తీసుకొని దక్షిణ మధ్య రైల్వే మెయిల్‌ ఎక్స్ప్రెస్ రైళ్లతో సమ ప్రాధాన్యత ఇస్తూ.. రేణిగుంట, హజ్రత్‌ నిజాముద్దీన్‌ (2300 కి.మీ) మధ్య 30 గంటల్లో చేరుకునే విధంగా దూద్ దురంతో ప్రత్యేక రైలును నడిపింది. కేవలం 37 రోజుల్లోనే నాలుగు కోట్ల లీటర్ల నుంచి.. 5 కోట్ల లీటర్ల పాలను సరఫరాను చేయడం విశేషం.
ఇదీ చూడండి: ఇంధన పొదుపులో ద.మ.రైల్వే ప్రతిభ : జీఎం గజానన్
