నిత్యావసర సరుకుల రవాణా కోసం దక్షిణ మధ్య రైల్వే గూడ్స్ ఎక్స్ప్రెస్ రైళ్లను నడుపుతోంది. ఏప్రిల్ 8 నుంచి 14 వరకు 32 గూడ్స్ రైళ్లు నడుపుతామని...సంస్థలు, పరిశ్రమలు ఈ అవకాశం సద్వినియోగం చేసుకోవాలని రైల్వేశాఖ సూచించింది. కాకినాడ- సికింద్రాబాద్ మధ్య రాజమండ్రి, నిడదవోలు, భీమవరం, గుడివాడ, విజయవాడ, కాజీపేట మీదుగా డైలీ పార్శిల్ ఎక్స్ప్రెస్ రైళ్లు నడుస్తాయి. రేణిగుంట- సికింద్రాబాద్ మధ్య డైలీ పార్శిల్ ఎక్స్ ప్రెస్ రైళ్లు... గూడూరు, విజయవాడ, కాజీపేట్ మీదుగా 4 రోజులు.. గుంతకల్లు, రాయచూర్, మీదుగా మిగతా రోజులు నడుస్తాయి. ఏప్రిల్ 08 నుంచి 12 వరకు రేణిగుంట- నిజాముద్దీన్ మధ్య 2 దూధ్ దురంతో ప్రత్యేక రైళ్లు నడిపించనున్నారు. డిమాండ్‌ను బట్టి మరిన్ని మార్గాల్లోనూ పార్శిల్ ఎక్స్ప్రెస్ రైళ్లు నడపాలని రైల్వేశాఖ అధికారులు భావిస్తున్నారు.
ఇదీ చూడండి:ఎంపీల వేతనాల్లో కోతకు ఆర్డినెన్స్
