హైదరాబాద్ గుడిమల్కాపూర్ మార్కెట్లో సమస్యల గురించి సంబంధిత అధికారులకు ఫిర్యాదు చేసినా.. పట్టించుకోవడం లేదని కూరగాయల కమీషన్ ఏజెంట్స్ వెల్ఫేర్ అసోసియేషన్ ఆరోపించింది. ఎన్నిసార్లు మొరపెట్టుకున్నా వినిపించుకోవడం లేదని వాపోయారు.
మొదట్లో ఒక్కో సమస్యను నెమ్మదిగా పరిష్కరిస్తామన్న అధికారులు.. ఇప్పుడు మార్కెట్ వైపే కన్నెత్తి చూడటం లేదని ఆవేదన వ్యక్తం చేశారు. మార్కెట్ వెలుపలి భాగం లోడింగ్, అన్లోడింగ్ కోసం వినియోగించుకోవాలని అధికారులు చెప్పారని, కానీ ఆ స్థలాన్ని తమకు కేటాయించారని వ్యాపారులు అంటున్నారని తెలిపారు.
