ప్రధాని నరేంద్ర మోదీ పుట్టినరోజును పురస్కరించుకుని రాష్ట్ర వ్యాప్తంగా సేవా సప్తహ్ పేరుతో కార్యక్రమాలకు పిలుపునిచ్చినట్లు భాజపా రాష్ట్ర అధ్యక్షుడు లక్ష్మణ్ తెలిపారు. నేటి నుంచి ఈనెల 20 వరకు కొనసాగుతాయని అన్నారు. సికింద్రాబాద్ గాంధీ ఆసుపత్రిలో రోగులకు పండ్లను పంపిణీ చేశారు. రాష్ట్ర వ్యాప్తంగా భాజపా శ్రేణులు పేదలకు సహాయం చేయాలని సూచించారు. రాజకీయ పార్టీలు అనగానే ఓట్లు, సీట్లు గెలుపోటములే కాదని..మానవతా దృక్పథంతో ప్రజా సేవ చేయాల్సిన అవసరం ఉందని పేర్కొన్నారు. ఆర్థిక స్తోమత లేని వారికి సహకరించాలని, వైద్య శిబిరాల ఏర్పాటు, మందుల పంపిణీ వంటి కార్యక్రమాలు చేపడుతున్నట్లు వెల్లడించారు. అక్టోబర్ 2న మహాత్మా గాంధీ 150 జన్మదినోత్సవం సందర్భంగా ప్లాస్టిక్ నివారణ చర్యలను చేపట్టనున్నట్లు వివరించారు.
భాజపా శ్రేణులు ప్రజా సేవకులుగా వ్యవహరించాలి : లక్ష్మణ్
ఇవీ చూడండి : మోదీ వస్తువుల వేలం షురూ.. మీరూ పొల్గొనండిలా...
