చిత్రా లేఅవుట్ కాలనీలో సంక్రాంతి సంబురం

హైదరాబాద్​ ఎల్బీనగర్​లోని చిత్రా లేఅవుట్ కాలనీలో సంక్రాంతి సంబురం అంబరాన్నంటింది. కాలనీ వాసులు భోగి మంటలతో సిరుల పండుగకు స్వాగతం పలికారు. తెలుగు సంస్కృతి, సంప్రదాయాల ఔన్నత్యాన్ని చాటుతూ ఆనందంగా గడిపారు.

ఎల్బీనగర్​లోని చిత్రా లేఅవుట్ కాలనీలో భోగి పండుగను ఘనంగా జరుపుకున్నారు. చిత్రా లేఅవుట్ వేల్పేర్ అసోషియేషన్ ఆధ్వర్యంలో ఉదయం కాలనీవాసులందరూ భోగి మంటలు పెట్టారు. గంగిరెద్దులాటతో సంతోషంగా గడిపారు.

ప్రతి సంవత్సరంలానే ఈ సంక్రాంతి పండుగను కాలనీవాసులమంతా ఒకే కుటుంబంలా జరుపుకున్నామని కాలనీ అధ్యక్షుడు అంజిరెడ్డి తెలిపారు. నోరూరించే సంప్రదాయ వంటకాలతో, తెలుగు సంస్కృతిని చాటే ప్రదర్శనలతో ఆహ్లాదంగా గడిపామని చెప్పారు.