కరోనా నేప‌థ్యంలో ఆసుప‌త్రులు, కార్యాలయాలు వంటి ప్రదేశాల్లో ప్రతిరోజూ శానిటైజ్ చేయాల్సిన పరిస్థితి. కరోనా వార్డులు, ఐసోలేషన్‌ సెంటర్లలో శానిటైజ్ చేస్తున్న వారు ఇప్పటికే చాలా మంది వైర‌స్ బారిన ప‌డ్డారు. ఇలాంటి ప్రదేశాల్లో మాన‌వ ర‌హిత శానిటైజర్ పిచికారీ చేసే విధంగా రోబోటిక్ శానిటైజర్‌ను హైదరాబాద్ సైన్స్‌ సొసైటీ తయారు చేసింది. రిమోట్‌ సాయంతో పనిచేసే ఈ రోబో 5 నుంచి 6 అడుగుల ఎత్తులో 360 డిగ్రీల్లో నలుమూలలా శానిటైజ్ చేస్తోంది. గదిలోకి వెళ్లకుండా రిమోట్‌ సాయంతోనే దీనిని వినియోగించవచ్చు.
ఒక్కసారి ఛార్జింగ్ పెడితే రెండు గంటలపాటు ప‌ని చేస్తుంది. పెద్ద పెద్ద ఇళ్లు, అపార్ట్‌మెంట్లలోనూ దీనిని వాడుకోవచ్చు. గవర్నర్ త‌మిళ‌సై కూడా ఈ ప్రయోగాన్ని చూసి ప్రశ‌సించారని... మరికొన్ని మార్పులు చేసి తర్వలో మార్కెట్లోకి ప్రవేశ పెడతామని సోసైటీ సభ్యులు తెలిపారు. సైనికులకు ఉపయోగపడే బోర్డర్‌ రోబోటిక్ సర్వేలైన్స్‌ వెహికిల్‌ను కూడా అందుబాటులోకి తీసుకొచ్చామ‌ని తెలిపారు.
కరోనా బారినుంచి ప్రజలను రక్షించడానికి తమవంతు సాయంగా రోబోటిక్ పరికరాలను తయారు చేస్తున్నట్లు సొసైటీ సభ్యులు తెలిపారు.
ఇదీచూడండి.. ' వినాయక నిమజ్జనం ప్రశాంతంగా సాగడం సంతోషకరం'
