కుమారుడికి తండ్రి ప్రేమను దూరం చేసిన లారీ అతివేగం

లారీ డ్రైవర్ అతివేగం కన్నబిడ్డకు తండ్రి ప్రేమను దూరం చేసింది. కుమారుడిని చూడాలని ఎంతో ప్రేమతో ద్విచక్రవాహనంపై పయనమైన నవాజుద్దీన్​ను మితిమీరిన వేగంతో లారీ ఢీకొట్టింది. ఈ ఘటనలో అతడు అక్కడికక్కడే మృతి చెందాడు.

హైదరాబాద్​ సరూర్​నగర్ మండలంలోని జలపల్లి గ్రామానికి చెందిన నవాజుద్దీన్ ద్విచక్రవాహనంపై శంకర్ పల్లిలోని తన భార్య పురుడు కార్యక్రమానికి బయలుదేరాడు. జన్​వాడ్ వేట్ వద్ద వేగంగా ప్రయాణిస్తున్న రెడిమిక్స్ లారీ అతనిని ఢీకొట్టింది. ఘటనా స్థలంలోనే నవాజుద్దీన్ మృతి చెందాడు. ప్రమాదాన్ని కళ్లార చూసిన స్థానికులు అటుగా వెళ్తున్న వాహనాలపై రాళ్లు రువ్వారు. పోలీసులతో కూడా వాగ్వావాదానికి దిగారు. విషయం తెలుసుకున్న నార్సింగ్ సీఐ రమణ గౌడ్ అక్కడికి చేరుకొని ఆందోళనకారులను చెదరగొట్టారు. కేసు నమోదు చేసుకొని దర్యాప్తు చేస్తున్నారు.

ఇవీ చూడండి: చెన్నైలో కారు బీభత్సం- మద్యం మత్తుకు ఇద్దరు బలి