హైదరాబాద్ మహేశ్వరం మండలంలోని మంకాల్‌లో అక్రమంగా నిల్వ ఉంచిన 430 క్వింటాళ్ల రేషన్ బియ్యాన్ని రాచకొండ పోలీసులు స్వాధీనం చేసుకున్నారు. ఐదుగురు నిందితులను అరెస్టు చేసి, ఒక లారీ, రెండు కార్లు, ఆటోలను సీజ్ చేశారు.
గత కొంతకాలంగా రేషన్ దుకాణాల నుంచి రేషన్ బియ్యాన్ని కొనుగోలు చేసే వారి దగ్గర నుంచి తక్కువ ధరకే విక్రయించి... గోదాములో నిల్వ చేసి అధికధరలకు ఈ బియ్యాన్ని తిరిగి అమ్మి సొమ్ము చేసుకుంటున్నట్లు పౌరసరఫరాల శాఖ ఎన్‌ఫోర్స్‌మెంట్ అధికారులు గుర్తించారు.
దీనితో రాచకొండ సీపీ మహేశ్‌ భగవత్‌ నేతృత్వంలో రంగంలోకి దిగిన పోలీసులు... గోదాములపై దాడులు నిర్వహించారు. కొందరు అక్కడి నుంచి పారిపోగా... ఐదుగురు నిందితులు దొరికినట్లు మహేశ్వరం పోలీసులు తెలిపారు.
ఇదీ చదవండి: 'ఎస్సై నన్ను మోసం చేశాడు'... 'కాదు ఎస్సై మోసపోయాడు'
