రేపు నిజామాబాద్​లో పర్యటించనున్న ఈసీ బృందం

రాష్ట్ర ఎన్నికల ప్రధానాధికారి రజత్​కుమార్​తో పాటు ప్రత్యేక ఎన్నికల పరిశీలనాధికారులతో కూడిన బృందం రేపు నిజామాబాద్​లో పర్యటించనుంది. ఇందూర్​  ఎన్నికలపై ఉన్న అనుమానాలను పరిష్కరించేందుకే ఈ పర్యటన అని రజత్​ స్పష్టం చేశారు.

నిజామాబాద్​ ఎన్నికల బరిలో నిలిచిన రైతులకు గుర్తులు కేటాయించలేదనే వార్తలు అవాస్తవమని రాష్ట్ర ఎన్నికల ప్రధానాధికారి రజత్​ కుమార్​ స్పష్టం చేశారు. ఇందూర్​ ఎన్నికలపై నెలకొన్న అనుమానాలను తొలగించేందుకు తమ బృందం రేపు నిజామాబాద్​లో పర్యటించనున్నట్లు తెలిపారు. ఈవీఎం, వీవీ ప్యాట్​ల పరిశీలన, రాజకీయ పార్టీల నేతలతో భేటీ, ఎన్నికల నిర్వాహణపై అధికారులతో సమీక్షలో పాల్గోనున్నారు. నిజామాబాద్​ ఎన్నికలు దేశ చరిత్రలో నిలిచిపోతాయని తెలిపారు.

రూ.29 కోట్లు సీజ్​

రాష్ట్రంలో ఇప్పటి వరకు నగదు, మద్యం, వస్తువులు కలిపి రూ.29 కోట్ల సొత్తు సీజ్‌ చేశామని రాష్ట్ర ఎన్నికల ప్రధానాధికారి రజత్​కుమార్​ తెలిపారు. ఎన్నికల నియమావళి ఉల్లంఘనపై 300కు పైగా కేసులు నమోదు చేశామన్నారు. చెల్లింపు వార్తలపై 600 ఫిర్యాదులు అందాయన్నారు. నిజామాబాద్‌లో ఎన్నికల నిర్వహణకు 1780 పోలింగ్ కేంద్రాలు ఏర్పాటు చేస్తున్నామని తెలిపారు. ఈవీఎం సమస్యల పరిష్కారానికి 600 మంది ఇంజినీర్లు సిద్ధంగా ఉంటారన్నారు.