క్వాంటమ్​ కంప్యూటర్ల పరిశోధనకు వేదికవుతోన్న హైదరాబాద్​

హైదరాబాద్​ మరో ప్రతిష్ఠాత్మకమైన ఐటీ ప్రాజెక్ట్​కు వేదికైంది. సూపర్​ కంప్యూటర్లు వేల సంవత్సరాలు చేసే పనిని కేవలం నిమిషాల్లో చేసే క్వాంటమ్​ కంప్యూటర్లపై నగరంలోని ఏఆర్సీలో పరిశోధన జరుగుతోంది. ప్రస్తుతం సైద్ధాంతిక స్థాయిలో ఉన్న ఈ ప్రాజెక్ట్​ త్వరలోనే కార్యరూపం దాల్చనుందని అధికారులు చెబుతున్నారు.

ప్రపంచంలో అతిపెద్ద సూపర్ కంప్యూటర్... పది వేల సంవత్సరాలు పనిచేస్తే అయ్యే టాస్క్​ను తమ కంప్యూటర్ కేవలం 3 నిమిషాల 20 సెకన్లలో చేసిందని గూగుల్ ప్రకటించింది. నేచర్ అనే ఒక సైంటిఫిక్ జర్నల్​లో ప్రచురితమైన పేపర్లో ఇది తమ సంస్థలో ఓ కీలక మైలు రాయిగా వర్ణించింది. ఇలాంటి పనులు చేసే వాటిని క్వాంటమ్ కంప్యూటర్లు అంటారు. హైదరాబాద్​లోని ఇంటర్నేషనల్ అడ్వన్స్​డ్ రీసెర్చ్ సెంటర్ ఫర్ పౌడర్ మెటలర్జీ అండ్ న్యూ మెటీరియల్స్​లో క్వాంటమ్​ కంప్యూటర్లపై పరిశోధన జరుగుతోందని ఏఆర్సీఐ డైరెక్టర్​ డా. జీ. పద్మనాభం తెలిపారు. వేల కోట్ల రూపాయల ఖర్చయ్యే ఈ ప్రాజెక్టును దేశంలో ప్రారంభించేందుకు కేంద్ర ప్రభుత్వం నుంచి అనుమతులు వచ్చాయని తెలిపారు. ఇప్పటికైతే... క్వాంటమ్​ మెకానిక్స్​పై సవివరమైన ప్రణాళిక తయారవుతోందన్నారు. రిపోర్టు పూర్తి కాగానే... వెంటనే ప్రాజెక్టు కార్యరూపం దాలుస్తుందని పద్మనాభం తెలిపారు.

ఇవీ చూడండి: హుజూర్​నగర్​ నియోజకవర్గంపై కేసీఆర్​ వరాల జల్లు