'కేసీఆర్ సారూ... ఓ మెట్టు దిగి సమస్య పరిష్కరించుండ్రి'
తెలంగాణ ప్రైవేట్ ఉద్యోగుల సంఘం ఆర్టీసీ కార్మికుల సమ్మెకు మద్దతు ప్రకటించింది. ప్రైవేట్ ఉద్యోగుల సమస్యలు, భవిష్యత్ కార్యచరణపై జరిగిన సమావేశంలో సంఘం వ్యవస్థాపక అధ్యక్షుడు సామ వెంకట్రెడ్డి ఆర్టీసీ కార్మికులకు సంఘీభావం తెలిపారు.
కార్మికులెవరూ ఆత్మ బలిదానాలకు పాల్పడవద్దని వెంకట్రెడ్డి కోరారు. ఈ విషయంలో ప్రతిపక్షాలు వారి రాజకీయ లబ్ధి వాడుకోవద్దని హితవు పలికారు.
ముఖ్యమంత్రి కేసీఆర్ కార్మికుల సమస్యలు, ప్రజల అసౌకర్యాలు గుర్తించి పరిష్కార మార్గం చూపాలని కోరారు. అంతేకానీ.. మొండికేయడం తగదన్నారు. ప్రైవేట్ రంగంలో 75 శాతం స్థానికులకు రిజర్వేషన్ల చట్టాన్ని అమలు చేయాలని డిమాండ్ చేశారు.
- ఇదీ చూడండి : తహసీల్దారు కార్యాలయాలకు పోలీస్ భద్రత
