రాష్ట్ర పోలీస్ శాఖలో ఉత్తమ ప్రతిభ కనబర్చిన పోలీసు అధికారులను డీజీపీ మహేందర్ రెడ్డి ప్రశంసించారు. విధి నిర్వహణలో ఉత్తమ పనితీరు కనబర్చిన పోలీసులకు ప్రశంసాపత్రాలు అందజేశారు. ఈ ఏడాది జనవరి నుంచి అక్టోబర్ వరకు పలు హోదాల్లో అధికారుల పనితీరు ఆధారంగా గ్రేడింగ్ ఇచ్చారు.
హైదరాబాద్లోని రాష్ట్ర పోలీసుశాఖ ప్రధాన కార్యాలయం నుంచి దృశ్యమాధ్యమం ద్వారా అన్ని జిల్లా కార్యాలయాల నుంచి పోలీసు అధికారులు పాల్గొన్నారు. రాష్ట్రవ్యాప్తంగా ప్రతిభ చూపిన 209 మంది పోలీస్ అధికారులకు జిల్లాల ఎస్పీల చేతుల మీదుగా వాటిని అందజేశారు.
