ఉస్మానియా విశ్వవిద్యాలయం చెరువు సమీపంలో మంగళవారం జరిగిన హత్యలో పోలీసులు నిందితుడిని అరెస్టు చేశారు. మద్యం మత్తులో తిరుపతి రెడ్డి అనే వ్యక్తి బావ మరిది అయిన చందును బండరాయితో మోది హత్య చేసినట్లు పోలీసులు తెలిపారు. కూలీ చేసుకుంటున్న ఇద్దరి మధ్య స్నేహం కుదిరింది. చందు సోదరిని తిరుపతిరెడ్డి రెండో వివాహం చేసుకున్నాడు. చందు తరచూ నిందితుడితో గొడవ పడేవాడు. ఈ నేపథ్యంలో కూలి చేస్తున్న చందుని తిరుపతిరెడ్డి మద్యం సేవిద్దామని తీసుకెళ్లి ఉస్మానియాలోని చెరువు సమీపంలో హత్య చేశాడని ఉస్మానియా విశ్వవిద్యాలయం సీఐ రాజశేఖర్రెడ్డి తెలిపారు. నిందితుడిని రిమాండుకు తరలించామని పేర్కొన్నారు.
ఇదీ చదవండి : అన్నం పెట్టిన ఇంటికే కన్నం వేసిన ఘనుడు
