కరోనా రోగులకు ప్లాస్మా కోసం సైబరాబాద్లో కంట్రోల్ రూం ఏర్పాటు చేశామని సైబారాబాద్ సీపీ సజ్జనార్ తెలిపారు. ప్లాస్మా దానం చేయాలనుకున్నా... కావాలనుకున్నా.... సంప్రదించాలని సజ్జనార్ కోరారు.
రాష్ట్రంలో కొవిడ్ కేసులు భారీ స్థాయిలో పెరుగుతున్నందున ప్రజలంతా అప్రమత్తంగా ఉండాలని సీపీ సజ్జనార్ సూచించారు. మాస్కు ధరించడం... భౌతిక దూరం పాటించడం... చేతులను శానిటైజ్ చేసుకోవాలని సజ్జనార్ అన్నారు. మొదటి దశతో పోలిస్తే... రెండో దశలో కరోనా వేగంగా విస్తరిస్తున్న దృష్ట్యా.... అవసరమైతేనే ప్రజలు బయటికి రావాలని... వేడుకలు, కార్యక్రమాల పేరుతో గుమిగూడొద్దని సజ్జనార్ తెలిపారు.
ఇదీ చూడండి: రాష్ట్రంలో గురువారం ఒక్కరోజే లక్ష కరోనా పరీక్షలు: డీహెచ్‌
