ఏపీలోని శ్రీశైలం జలాశయానికి వరద ప్రవాహం స్థిరంగా కొనసాగుతోంది. 10 గేట్ల ద్వారా 6 లక్షల 35 వేల క్యూసెక్కుల నీరు సాగర్కు విడుదల చేశారు. ఇన్ ఫ్లో 7 లక్షల 55 వేల క్యూసెక్కుల నీరు ఉండగా..ఔట్ ఫ్లో 7లక్షల 48 వేల క్యూసెక్కుల మేర ఉంది. పూర్తి స్థాయి నీటిమట్టం 885 అడుగులు కాగా.. ప్రస్తుతం 881.50 అడుగుల నీటిమట్టం ఉంది. ఎడమ గట్టు విద్యుత్ కేంద్రం ద్వారా 38 వేల 140 క్యూసెక్కులు విడుదలవుతుండగా.. కుడిగట్టు విద్యుత్ కేంద్రం ద్వారా 31వేల 349 క్యూసెక్కులు విడుదలైంది. కల్వకుర్తి ఎత్తిపోతల పథకం ద్వారా 1600 క్యూసెక్కులు విడుదల చేయగా.. హంద్రీనీవాకు 2,025 క్యూసెక్కుల నీరు విడుదలయ్యింది. పోతిరెడ్డిపాడు హెడ్ రెగ్యులేటరీ ద్వారా 40 వేల క్యూసెక్కులు వదులుతున్నారు.
ప్రకాశానికి తగ్గిన వరద
ప్రకాశం బ్యారేజీకి వరద ప్రవాహం తగ్గుముఖం పట్టింది. ఇన్ ఫ్లో 7లక్షల 57 వేల క్యూసెక్కులు ఉండగా..ఔట్ ఫ్లో 7లక్షల 92 వేల క్యూసెక్కులుగా ఉంది. ప్రస్తుతం 4టీఎంసీల వరద నీరు ఉండగా.. పూర్తి నీటి నిల్వ 3.07 టీఎంసీలు ఉన్నది. బ్యారేజీ 70 గేట్లు పూర్తిగా ఎత్తి దిగువకు నీరు చేస్తున్నారు.
ఇదీ చూడండి: కశ్మీర్: ఐదు జిల్లాల్లో అంతర్జాల సేవల పునరుద్ధరణ
