గ్రేటర్ ఎన్నికల్లో భాజపాకు సహకరించేందుకే ఓవైసీ సోదరులు అనుచిత వ్యాఖ్యలు చేశారని టీపీసీసీ అధ్యక్షుడు ఉత్తమ్కుమార్ రెడ్డి విమర్శించారు. విషపూరిత ప్రచారం చేస్తూ ఓట్లు దండుకునేందుకు ప్రయత్నిస్తున్నారని మండిపడ్డారు. భాజపా, ఎంఐఎంలు దొంగ నాటకాలు ఆడుతున్నాయని ధ్వజమెత్తారు.
జీహెచ్ఎంసీ ఎన్నికల్లో కాంగ్రెస్ను గెలిపించాలంటూ బంజారాహిల్స్ అభ్యర్థి ధనరాజ్ రాఠోడ్ తరపున మాజీ మంత్రి వినోద్తో కలిసి ఆయన ప్రచారం నిర్వహించారు. ఓవైసీ సోదరులు వైఎస్ రాజశేఖర్రెడ్డిపై చేసిన వ్యాఖ్యలను తీవ్రంగా ఖండిస్తున్నామని తెలిపారు. భాజపాకు లాభం చేకుర్చేందుకే పశ్చిమబెంగాల్లో ఎంఐఎం రాష్ట్ర అధ్యక్షుడు రాజీనామా చేశారని అన్నారు.
