'లా' పరీక్షల ఫలితాలను ఉస్మానియా యూనివర్సిటీ ఈ రోజు విడుదల చేసింది. సెప్టెంబరు- అక్టోబర్లో నిర్వహించిన ఎల్ఎల్బీ, ఎల్ఎల్బీ(ఆనర్స్) మూడేళ్ల కోర్సులు, బీకామ్ ఎల్ఎల్బీ, బీబీఏ ఎల్ఎల్బీ ఐదేళ్ల కోర్సుల రెగ్యులర్, సప్లిమెంటరీ ఫలితాలను ఓయూ అధికారిక వెబ్సైట్ https://www.osmania.ac.in. లో ఉంచింది. వాటికి సంబంధించిన మెమోని ఈ నెల 20 నుంచి విద్యార్థులు ఆయా కళాశాలల ద్వారా పొందవచ్చని తెలిపింది.
విద్యార్థులు తాము ప్రశ్నాపత్రాలను పొందాలనుకుంటే రూ. 1000 ఫీజు చెల్లించి కళాశాల ప్రిన్సిపల్ సంతకంతో దరఖాస్తు చేసుకోవాలని వెల్లడించింది. నవంబర్ 13 నుంచి ఈ ప్రక్రియ అందుబాటులో ఉండనుంది.
మరింత సమాచారం కోసం https://www.ouexams.in/press లింక్ని సంప్రదించాలని అధికారులు తెలిపారు.
ఇదీ చదవండి: 'మీకు గుడిలోకి ప్రవేశంలేదు.. మీకోసం పూజలు చేయను'
