'వచ్చే నెలలో బంజారా, ఆదివాసీ భవన్‌లు సీఎం కేసీఆర్​ ప్రారంభిస్తారు'

బంజారాహిల్స్​లో రూ.40కోట్ల వ్యయంతో నిర్మిస్తున్న బంజారా, ఆదివాసీ భవన్​లను వచ్చే నెలలో ముఖ్యమంత్రి కేసీఆర్ చేతుల మీదుగా ప్రారంభిస్తామని మంత్రి సత్యవతి రాఠోడ్ తెలిపారు. పనులన్నీ పూర్తి చేయాలని అధికారులను మంత్రి ఆదేశించారు.

బంజారా, ఆదివాసీ భవనాలను వచ్చే నెలలో సీఎం చేతుల మీదుగా ప్రారంభిస్తామని రాష్ట్ర గిరిజన శాఖమంత్రి సత్యవతి రాఠోడ్ ప్రకటించారు. హైదరాబాద్​ బంజారాహిల్స్​లో రూ.40 కోట్ల వ్యయంతో నిర్మిస్తున్నట్లు మంత్రి తెలిపారు.

బంజారాభవన్, ఆదివాసీ భవన్ నిర్మాణ పనులను మంత్రి పరిశీలించారు. ఈ నెలాఖరులోగా పనులు పూర్తవుతాయని.. వచ్చే నెలలో సీఎం చేతుల మీదుగా ప్రారంభోత్సవం ఉంటుందని తెలిపారు. ఈ నేపథ్యంలో ఏ ఒక్క పని పెండింగ్ లేకుండా పూర్తి చేయాలని అధికారులను మంత్రి ఆదేశించారు.

ఇదీ చూడండి: సాహస క్రీడల్లో ప్రతిభ... ఇండియన్ నేవీకి ఎంపిక