ఎల్బీ స్టేడియంలో ఏర్పాటు చేసిన తెలంగాణ స్టేట్ ఓపెన్ చెస్ టోర్నమెంట్ 2019లో నగరంలోని 50 స్కూళ్లకు సంబంధించిన 280 మంది విద్యార్థులు పాల్గొన్నట్లు నిర్వాహకులు తెలిపారు. విద్యార్థుల్లో మేధోశక్తిని పెంపొందించి, ప్రోత్సహించేందుకు ఈ టోర్నమెంట్ నిర్వహిస్తున్నట్లు వారు పేర్కొన్నారు. రెండు రోజుల పాటు జరగనున్న ఈ పోటీల్లో గెలుపొందిన వారికి ముప్పై వేల నగదు బహుమతిని అందజేయనున్నట్లు నిర్వాహకులు తెలిపారు .
దేశంలో ఉన్న అన్ని ప్రధాన నగరాల్లో ఈ టోర్నమెంట్లను నిర్వహించి, గెలుపొందిన విజేతలతో వచ్చే ఏడాది జూన్లో మెగా టోర్నీని వైజాగ్ లో నిర్వహిస్తామన్నారు . అందులో గెలుపొందిన వారికి 20 లక్షల నగదు బహుమతితో పాటు , అంతర్జాతీయ స్థాయిలో రాణించేందుకు ప్రత్యేక శిక్షణ ఇస్తామని వారు స్పష్టంచేశారు.
ఇదీ చూడండి:చంద్రయాన్-1కు కొనసాగింపే కానీ... ప్రత్యేకం
