Nara Lokesh Padayatra Name : తెలుగుదేశం జాతీయ ప్రధాన కార్యదర్శి నారా లోకేశ్ మహా పాదయాత్రకు శ్రీకారం చుట్టనున్నారు. వచ్చే నెల 27న కుప్పం నుంచి ఆయన మహా పాదయాత్రగా జనక్షేత్రంలోకి అడుగుపెట్టనున్నారు. లోకేశ్ మహా పాదయాత్రకు "యువగళం" పేరును పార్టీ పరిశీలిస్తోంది. దీనికి సంబంధించి మరికాసేపట్లోనే పార్టీ సీనియర్‌ నేతలు అధికారిక ప్రకటన చేయనున్నారు.
కుప్పం నుంచి ప్రారంభమయ్యే ఈ మహా పాదయాత్రకు ముమ్మర ఏర్పాట్లు జరుగుతున్నాయి. సరిగ్గా నెల రోజుల సమయం ఉండటంతో పార్టీ నేతలు దీనికి సంబంధించిన రూట్ మ్యాప్ను ఖరారు చేస్తున్నారు. ఎటువంటి హంగులు లేకుండా సాదాసీదాగా పాదయాత్ర జరిగేలా చూడాలని నాయకులకు లోకేశ్ సూచించారు.
ఇవీ చదవండి:
