తెలుగు చలన చిత్ర రంగంలో తనకంటూ ఓ ప్రత్యేకతను చాటుకున్నారు బాలకృష్ణ. సినీ, రాజకీయ రంగాల్లో తనదైన ముద్రవేసుకున్నారు. పేద ప్రజలకు ఉచితంగా వైద్యం అందిస్తూ ఆదర్శంగా నిలుస్తున్నారు. నందమూరి బాలకృష్ణ 60వ పుట్టిన రోజు వేడుకలు హైదరాబాద్ ఘనంగా జరిగాయి.
దోమలగూడలో....
దోమలగూడలోని తెదేపా గ్రేటర్ కార్యాలయంలో బాలకృష్ణ జన్మదిన వేడుకలు ఘనంగా నిర్వహించారు. సికింద్రాబాద్ పార్లమెంటు నియోజకవర్గ తెదేపా ఇన్ఛార్జి సాయిబాబా కేక్ కట్ చేసి కార్యకర్తలకు తినిపించారు. నందమూరి వంశం ప్రజాసేవకే అంకితమన్నారు. అనంతరం ఒకరికొకరు శుభాకాంక్షలు చెప్పుకున్నారు.
కూకట్పల్లి కేపీహెచ్బీ కాలనీలో...
కూకట్పల్లి కేపీహెచ్బీ కాలనీలోని రమ్య గ్రౌండ్లో డివిజన్ అధ్యక్షుడు సత్తార్ ఆధ్వర్యంలో అభిమానులు కేకు కట్ చేసి, శుభాకాంక్షలు తెలుపుకున్నారు. బాలయ్య సేవా కార్యక్రమాలను కొనియాడారు. రాబోవు రోజుల్లో ఆయన సేవా కార్యక్రమాల్లో తాము భాగస్వాములు అవుతామన్నారు.
ఇదీ చూడండి: గ్రేటర్లో కరోనా వ్యాప్తిపై కేంద్ర బృందం ఆందోళన
