మరో వారం రోజుల్లో ఐకియా జంక్షన్ వద్ద జరుగుతున్న సుందరీకరణ పనులను పూర్తి చేయాలని పురపాలకశాఖ ముఖ్యకార్యదర్శి అరవింద్కుమార్ అధికారులను ఆదేశించారు. లాక్డౌన్ కాలపరిమితి ముగిసే నాటికి ఐకియా జంక్షన్ బ్యూటిఫికేషన్ పనులన్నీ పూర్తయి ఆ ప్రాంతం చూపరులకు కనువిందును కలిగించనుందని ఆయన అభిప్రాయపడ్డారు. హైదరాబాద్ ఐకియా జంక్షన్ను సందర్శించిన ఆయన.. అక్కడ జరుగుతున్న సుందరీకరణ పనులను పరిశీలించారు. ఐటీ కారిడార్ ప్రాధాన్యత దృష్ట్యా జంట నగరాల్లో ఇప్పటి వరకు ఎక్కడా లేని విధంగా ఐకియా జంక్షన్ను అద్భుతంగా తీర్చిదిద్దాలన్న సంకల్పంతో హెచ్ఎండీఏ ఇంజనీరింగ్, అర్బన్ ఫారెస్ట్రీ యంత్రాంగం పనుల్లో నిమగ్నమైందని తెలిపారు.
లాక్డౌన్ సమయంలో పలుచోట్ల అభివృద్ధి పనులను యుద్ద ప్రాతిపదికన పూర్తి చేస్తున్నామని పేర్కొన్నారు. అందులో భాగంగానే ఐటీకారిడార్లో కీలకమైన వెయ్యి చదరపు మీటర్లలోపు స్థలంగా ఉన్న ఐకియా జంక్షన్ను అద్భుతంగా తీర్చిదిద్దడం జరుగుతుందన్నారు. ఐకియా జంక్షన్‌లో గ్రీనరీ బ్యూటిఫికేషన్తోపాటు కాటన్ స్టీల్‌తో రూపొందించిన ఎలుగుబంటి కుటుంబం బొమ్మలతోపాటు భారీ పిల్లిని ఏర్పాటు చేస్తున్నామని పేర్కొన్నారు. గ్రీనరీకి మరింత అందాన్ని తీసుకువచ్చేందుకు పది రాతిబొమ్మలు కూడా ఏర్పాటు చేస్తున్నామన్నారు.
ఇవీ చూడండి: ముందస్తు చర్యల వల్లే నియంత్రించ గలిగాం: తలసాని
