ఉద్యోగులకు ఇవ్వాల్సిన పరిహారాలను పదేళ్ల తర్వాత ఇస్తామనడం సరికాదని ఎమ్మెల్సీ జీవన్రెడ్డి అన్నారు. ప్రభుత్వ ఉద్యోగులు వాస్తవాలను గ్రహించాలని.. గడిచిన 33 నెలల బెనిఫిట్స్ను తక్షణమే చెల్లించాలని డిమాండ్ చేశారు. దేశంలో 60 ఏళ్లకు పైగా ఉద్యోగుల వయోపరిమితి లేదని గన్పార్క్ మీడియా పాయింట్ వద్ద తెలిపారు.
నిరుద్యోగులకు ఉద్యోగ అవకాశాలు కల్పించకుండా రాష్ట్ర ప్రభుత్వం తప్పించుకుంటోందని మండిపడ్డారు. 2 లక్షల ఉద్యోగాలను భర్తీ చేస్తామని క్యాలెండర్ జారీ చేయాలని డిమాండ్ చేశారు. నిరుద్యోగ భృతి అమలు చేయబోతున్నామని కేటీఆర్ రెండు నెలల క్రితం ప్రకటించారన్నారు. నిరుద్యోగులకు భృతి ఇస్తే ప్రభుత్వం దివాళా తీస్తుందా అని ప్రశ్నించారు.
ఇదీ చూడండి: డబుల్ బెడ్రూం ఇళ్లు ఇప్పిస్తానంటూ రూ.27 లక్షలు వసూలు
