టీపీసీసీ అధ్యక్షుడు రేవంత్ రెడ్డి (Tpcc President Revanth Reddy)హోల్సేల్ బ్లాక్ మెయిల్ బ్రాండ్ అంబాసిడర్‌గా మారారని ఆర్మూర్ ఎమ్మెల్యే జీవన్ రెడ్డి (Mla Jeevan Reddy) ఆరోపించారు. మల్లారెడ్డి, మై హోం, మేఘా, నవయువ సంస్థలతో పాటు చివరికి పోలీసులను సైతం బ్లాక్ మెయిల్ చేస్తున్నాడని ధ్వజమెత్తారు. రేవంత్ రెడ్డి ఓ ఐరన్‌లెగ్‌ అని పేర్కొన్న జీవన్ రెడ్డి... తెలంగాణలో తెదేపాకి పట్టిన గతే కాంగ్రెస్‌కు పట్టబోతోందని తెలిపారు. టెండర్లు వేసిన వారిపై ఆర్టీఐ వేసి సీబీఐకి ఇవ్వడం బ్లాక్ మెయిల్ కాదా అని ప్రశ్నించారు.
రాష్ట్ర ప్రతిష్టను దెబ్బతీసే విధంగా మాట్లాడుతున్నారని ఆగ్రహం వ్యక్తం చేశారు. టీఆర్‌ఎస్ఎల్పీ ఏర్పాటు చేసిన మీడియా సమావేశంలో మాట్లాడిన జీవన్... రేవంత్ రెడ్డితో పాటు బండి సంజయ్‌పై విమర్శలు గుప్పించారు. రేవంత్‌రెడ్డి, బండి సంజయ్‌లకు సవాల్‌ చేస్తున్నానని ఏ వేదికపైన అయినా చర్చకు సిద్ధమని ప్రకటించారు. హైదరాబాద్ సింగరేణి కాలనీ ఘటన దుదృష్టకరమని.. బాధాకరమని తెలిపారు. ప్రభుత్వం హంతకుడిని పట్టుకుని కఠినంగా శిక్షిస్తుందన్నారు.
సింగరేణి కాలనీలో జరిగిన సంఘటన దురదృష్టకరం, బాధాకరం. ఇలాంటి ఘటనలను మనమంతా ముక్తకంఠంతో ఖండించాల్సిన అవసరం ఉంది. హంతకుడిని పట్టుకుని కఠిన శిక్ష రాష్ట్ర ప్రభుత్వం విధిస్తుంది. కేసీఆర్, కేటీఆర్ మీద మాట్లాడితే హెడ్లైన్స్లో న్యూస్ వస్తుందని టీపీసీసీ అధ్యక్షుడు రేవంత్ రెడ్డి మాట్లాడుతున్నారు. మీడియా పిచ్చితో రేవంత్ ఇలా మాట్లాడుతున్నారు. రేవంత్ అనే వ్యక్తి ఈ రాష్ట్రంలో హోల్సేల్ బ్లాక్ మెయిల్ బ్రాండ్ అంబాసిడర్. ఇదీఅదీ అని ఏం లేదు బ్లాక్ మెయిల్ చేయడంలో ఆయన సిద్దహస్తుడు. మల్లారెడ్డి టు మైహోం దాకా... మెగా టు నవయుగ దాకా ఎవర్ని అడిగినా కానీ ఈయన బ్లాక్ మెయిల్ గురించి స్పష్టంగా విపులంగా చెబుతారు. చీకటి పనులకు కూడా రేవంతే బ్రాండ్ అంబాసిడర్ .
-- జీవన్ రెడ్డి, ఆర్మూర్ ఎమ్మెల్యే
ఇదీ చదవండి: Yadadri: నయనానందకరం... భక్తులకు త్వరలోనే సుందర యాదాద్రి దర్శనం
