మే31వ తేదీ నుంచి నరేంద్ర సింగ్ కనిపించడం లేదంటూ.. ఈ నెల 6వ తేదీన అతని తల్లి చేసిన ఫిర్యాదు మేరకు మిస్సింగ్ కేసుగా నమోదు చేసి దర్యాప్తు ప్రారంభించామని మంగళహాట్ సీఐ రణ్వీర్ రెడ్డి తెలిపారు. మే 30వ తేదీన కరోనా లక్షణాలతో ఉన్న నరేందర్ సింగ్ను కింగ్కొఠి ఆస్పత్రి నుంచి గాంధీ హాస్పిటల్లో చేర్పించిన తర్వాత తిరిగి ఇంటికి వెళ్లామని కుటుంబ సభ్యులు వివరించారు. ఆ కోణంలో విచారణ జరపగా... కింగ్ కోఠి హాస్పిటల్ నుంచి నరేందర్తో పాటు మరో పేషేంట్ను 108 వాహనంలో గాంధీకి తీసుకెళ్లి వైద్యులకు అప్పగించినట్లు 108 సిబ్బంది తెలిపారు.
'గాంధీలో పూర్తిగా వెతికాం.. సమీపంలో ఉన్న సీసీ ఫుటేజ్లను పరిశీలించాం అయిన ఫలితం లేదు. అనాథ మృతదేహాలను ఉంచే మార్చరీలో ఓ మృతదేహం ఉందన్న సమాచారంతో యువకుడి కుటుంబ సభ్యులతో వెళ్లి పరిశీలించారు. వాళ్లు నిర్ధారించినందున.... గాంధీలో పోస్టుమార్టం నిర్వహించి కుటుంబ సభ్యులకు అతని మృతదేహాన్ని అప్పగించాం' అని సీఐ వెల్లడింటారు. ఆ డెడ్బాడీని మే31వ తేదీన రాత్రి 10 గంటలకు అనాథల మార్చరీకి చేర్చినట్లు రికార్డులో ఉందని సీఐ తెలిపారు.
ఇదీ చూడండి: సడలింపులు ఇచ్చినప్పటికీ... కుదురుకోని హోటళ్లు
