ఆర్థిక ఇబ్బందుల కారణంగా చికిత్స చేయించుకోలేక తీవ్ర ఇబ్బందులు పడుతున్న వారికి సీఎం రిలీఫ్ ఫండ్ అండగా ఉంటోందని మంత్రి తలసాని శ్రీనివాస్ పేర్కొన్నారు. మెదడులో రక్తం గడ్డ కట్టిన ఓ బాధితుడికి మంత్రి తలసాని ముఖ్యమంత్రి సహాయ నిధి చెక్ అందజేశారు.
మెదడులో రక్తం..
కాచిగూడ డివిజన్ చప్పల్ బజార్కు చెందిన ధర్మేష్ కుమార్ తివారి అనారోగ్యానికి గురై తీవ్ర ఇబ్బందులు పడుతున్నాడు. చికిత్స కోసం ధర్మేష్ కుమార్ నిమ్స్ ఆసుపత్రికి వెళ్లగా .. పరీక్షలు నిర్వహించిన వైద్యులు మెదడులో రక్తం గడ్డ కట్టిందని తెలిపారు. చికిత్స కోసం రూ. 4 లక్షల ఖర్చవుతాయని తెలిపారు.
ఆర్థిక సహాయం..
ధర్మేష్ కుమార్ మంత్రి తలసాని శ్రీనివాస్ని కలిసి తన దీన పరిస్థితిని వివరించాడు. స్పందించిన మంత్రి.. ముఖ్యమంత్రి సహాయ నిధి నుంచి రూ. 2 లక్షల ఆర్థిక సహాయం మంజూరు చేపించి.. వెస్ట్ మారేడ్ పల్లిలోని తన నివాసంలో అందజేశారు.
ఇదీ చదవండి:ఆల్రౌండర్: 'రంగమేదైనా రాణిస్తా.. వేదికేదైనా ఆడేస్తా..!'
