gangula review on paddy procurement in yasangi season: దేశానికి అన్నం పెట్టే తెలంగాణ రాష్ట్రాన్ని.. కేంద్ర ప్రభుత్వం ఇతోధికంగా ప్రోత్సహించాలని పౌరసరఫరాల శాఖ మంత్రి గంగుల కమలాకర్‌ అన్నారు. ఈ ఏడాది త్వరలో ప్రారంభం కానున్న యాసంగి మార్కెటింగ్ సీజన్‌లో ధాన్యం సేకరణ కోసం ఏర్పాట్లు, అవసరమైన కొనుగోలు కేంద్రాల గుర్తింపు, గన్నీ సంచులు సమీకరణ, ప్యాడీ క్లీనర్లు, తేమ సాధనాలు, జియోట్యాగింగ్, రవాణా, మిల్లుల అనుసంధానం వంటి అంశాలపై విస్తృతంగా చర్చించారు.
ఈ సందర్భంగా పౌరసరఫరాల శాఖ సంబందించి సేవలు పౌరులకు మరింత చేరువ చేసేందుకు ఐవీఆర్ఎస్ నెంబర్ 799712345ను మంత్రి గంగుల ప్రారంభించారు. ఈ సేవల ద్వారా కొత్త ఎఫ్‌ఎస్‌సీ కార్డుల సమస్యలు, పోర్టబులిటీ వీలు కలుగుతుంది. ఈ అప్లికేషన్ రూపకల్పనలో కృషి చేసిన ఎన్ఐసీ ఉద్యోగులను అభినందించి మెరిట్ సర్టిఫికెట్లు ప్రధానం చేశారు. ముఖ్యమంత్రి కేసీఆర్ దార్శనికత వల్లే దేశానికి అన్నపూర్ణగా తెలంగాణ నిలిచిందని మంత్రి అన్నారు.
తెలంగాణ ఆవిర్భావం నుంచి ఇప్పటి వరకూ రైతుల వద్ద నుంచి 672 లక్షల మెట్రిక్ టన్నుల ధాన్యం సేకరించడం ద్వారా 1.21 లక్షల కోట్ల రూపాయలు నగదు చెల్లించామని తెలిపారు. ఖరీఫ్ మార్కెటింగ్ సీజన్‌ సేకరణలో దేశంలోనే అగ్రస్థానంలో ఉన్నామని చెప్పారు. ముఖ్యమంత్రి కృషి, రైతుబంధు, 24 గంటల ఉచిత కరెంటు సరఫరా సహా ఎంఎస్‌పీ కింద ధాన్యం సేకరణ తదితర రైతు అనుకూల విధానాలు దేశంలోనే వానా కాలం ధాన్యం సేకరణలో మొదటి స్థాయిలో నిలిపామని అన్నారు. అదే స్పూర్తి కొనసాగిస్తూ రాబోయే యాసంగి ధాన్యం సేకరణకు సమాయాత్తమవ్వాలని అధికారులకు సూచించారు.
కరోనా వంటి సంక్షోభంలో సైతం 92 లక్షల మెట్రిక్ టన్నుల సేకరణకు కృషి చేసిన అధికారులకు అభినందనలు తెలియజేశారు. ధాన్యం సేకరణ విధుల్లో ఏ విధమైన అలసత్వం ప్రదర్శించినా... రైతులకు ఎలాంటి ఇబ్బందులు ఎదురైనా అధికారులపై కఠిన చర్యలు తీసుకుంటామని హెచ్చించారు. కొనుగోలు కేంద్రాల గుర్తింపు, జియోటాగింగ్, రవాణా, మిల్లుల అనుసంధానం, గన్నీ బ్యాగులు, ప్యాడీ క్లీనర్లు, మాయిశ్చర్ మిషన్లు, టార్పాలిన్లు తదితర అన్ని వనరులను సంపూర్ణంగా సిద్దం చేసుకోవాలని ఆదేశించారు.
గోదాముల సామర్థ్యంతోపాటు ర్యాక్ కదలికలు, మిల్లుల టాగింగ్, రిసివింగ్ గోడౌన్లలో అక్సెప్టెన్సీ మిషన్లు పెంచడం, హమాలీల కొరత లేకుండా చూడడం వంటి చర్యలు తీసుకోవాలని సూచించారు. సమయం తక్కువగా ఉన్న దృష్ట్యా సమస్యల పరిష్కారం వీలుకాకపోతే అవి స్థానిక ఎఫ్‌సీఐ అధికారులు ఉన్నతాధికారుల దృష్టికి తీసుకెళ్లి సీఎంఆర్ గడువు పెంపు కోసం అభ్యర్థించాలని కోరారు.
రాష్ట్రంలో అకాల వర్షాలకు అనుగుణంగా ధాన్యం కొనుగోలు ఏర్పాట్లు చేసేలా సమగ్ర ప్రణాళిక రూపొందించి ముఖ్యమంత్రి ఆమోదానికి పంపుతామని మంత్రి పేర్కొన్నారు. ఈ కార్యక్రమంలో పౌరసరఫరాల సంస్థ ఛైర్మన్ రవీందర్‌సింగ్‌, పౌరసరఫరాల కమిషనర్ వి.అనిల్‌కుమార్‌, ఎఫ్‌సీఐ డీజీఎం కిరణ్‌కుమార్ తదితరులు పాల్గొన్నారు. అన్ని జిల్లాల అదనపు కలెక్టర్లు, డీసీఎస్‌ఓలు, డీఎంలు, ఎఫ్‌సీఐ ఉన్నతాధికారులు ఈ సమీక్షకు హాజరయ్యారు.
ఇవీ చదవండి:
