రాష్ట్రంలో కరోనా వైరస్ వ్యాప్తి, ప్రస్తుత పరిస్థితులపై మంత్రి ఈటల రాజేందర్... ఉన్నత స్థాయి సమీక్ష నిర్వహించారు. హైదరాబాద్ బీఆర్కే భవన్లో జరిగిన సమావేశంలో ఆరోగ్య సలహా కార్యదర్శి రిజ్వి, కుటుంబ సంక్షేమ శాఖ కమిషనర్ వాకాటి కరుణ, డైరెక్టర్ ఆఫ్ పబ్లిక్ హెల్త్ డాక్టర్ శ్రీనివాస్ రావు, డీఎంఈ రమేశ్రెడ్డి, టీఎస్ఎంఐడీసీ ఎండీ చంద్రశేఖర్రెడ్డి, కరోనా నిపుణుల కమిటీ సభ్యులు డాక్టర్ గంగాధర్ పాల్గొన్నారు.
సమీక్షలో పండుగలు, ఎన్నికల నేపథ్యంలో వైరస్ వ్యాప్తిపై చర్చించినట్టు సమాచారం. దిల్లీలో పరిస్థితులు చేయి దాటుతున్న నేపథ్యంలో సెకండ్ వేవ్ రాష్ట్రంలో ప్రారంభమైతే సరైన చికిత్స అందించేందుకు ఉన్న సన్నద్ధతపై అధికారులను మంత్రి అడిగినట్టు తెలుస్తోంది. ఇప్పటికే రాష్ట్రంలో కొవిడ్ను ఎదుర్కొనేందుకు జిల్లా స్థాయి నుంచి పూర్తి ఏర్పాట్లు చేసినట్టు అధికారులు మంత్రికి వివరించారు.
ఇదీ చూడండి: బురిడి కొట్టించి ఒకటి రెండు సీట్లు గెలుస్తారేమో: కవిత
