కెనడాకు చెందిన ప్రముఖ హెల్త్ సప్లిమెంట్స్ తయారీ సంస్థ జెమిసన్తో కలిసి పనిచేయనున్నట్టు ఫార్మసీ రిటైలర్ సంస్థ మెడ్ప్లస్ ప్రకటించింది. హైదరాబాద్లో ఏర్పాటు చేసిన కార్యక్రమంలో జెమిసన్ సీఈఓ మార్క్ హార్నిక్, మెడ్ప్లస్ ఫౌండర్ మధుకర్ గంగాడి పాల్గొన్నారు. జెమిసన్తో ఎక్స్క్లూజివ్ డిస్ట్రిబ్యూషన్ ఒప్పందం కుదుర్చుకున్నట్టు మధుకర్ స్పష్టం చేశారు.
జెమిసన్కి సంబంధించిన ఉత్పాదనలను ఇకపై 1,700 పైగా ఉన్న మెడ్ప్లస్ స్టోర్లలో విక్రయించనున్నారు. ఆఫ్లైన్తో పాటు ఆన్లైన్లోనూ ఈ అమ్మకాలు సాగనున్నాయి. జెమిసన్ వెల్ నెస్ కార్పొరేషన్ విస్తృత స్థాయిలో విటమిన్లు, మినరల్స్ సహా పలు రకాల ఆరోగ్య సప్లిమెంట్లను తయారు చేస్తోంది. అత్యంత నాణ్యమైన ఉత్పత్తులను కస్టమర్లకు అందించే లక్ష్యంతో ఈ ఒప్పందం చేసుకున్నట్టు మెడ్ప్లస్ వ్యవస్థాపకుడు మధుకర్ తెలిపారు.
ఇదీ చూడండి : ఈటీవీ భారత్ ఎఫెక్ట్: కేన్సర్ బాధితురాలికి అండగా బాలకృష్ణ
