హైదరాబాద్ ఎస్ఆర్నగర్ పరిధిలోని కైలాష్నగర్లో ఓ వివాహిత ఆత్మహత్య చేసుకుంది. ఓ వ్యక్తి తన నగ్న చిత్రాలు తీసి బెదిరింపులకు పాల్పడడం వల్ల మనస్తాపానికి గురై బలవన్మరణానికి పాల్పడిందని మృతురాలి భర్త తెలిపారు.
కైలాష్నగర్కు చెందిన స్వప్నకు... ఉప్పుగూడకు చెందిన అరుణ్తో వివాహం జరిగింది. ఉప్పుగూడకు చెందిన ప్రశాంత్... స్వప్న నగ్నచిత్రాలు తీసి బెదిరించాడు. ఆమె నుంచి డబ్బు, బంగారం తీసుకుని కూడా బెదిరింపులకు పాల్పడడం వల్ల.. పోలీసులకు ఫిర్యాదు చేసినట్లు మృతురాలి భర్త అరుణ్ తెలిపారు.
అయినా నగ్న చిత్రాలను సోషల్ మీడియాలో పెడతానని బెదిరించాడని... ఈ విషయాన్ని పోలీసులకు తెలిపినా.. ఏమి చేయకపోవడం వల్లే మనస్తాపం చెంది... తన భార్య ఉరివేసుకుని చనిపోయిందని చెప్పారు. ఎస్సార్ నగర్ పోలీసులు కేసు నమోదు చేసి దర్యాప్తు చేస్తున్నారు.
ఇదీ చూడండి: ఎఫ్డీఐలను పరిశీలించేందుకు ఓ కమిటీ!
