రోడ్డు ప్రమాదం.. చికిత్స పొందుతూ మృతి

హైదరాబాద్​లో జూన్ 3వ తేదీన జరిగిన రోడ్డు ప్రమాదంలో గాయపడిన వ్యక్తి చికిత్స పొందుతూ ఈరోజు మృతి చెందాడు. ప్రమాదానికి కారణమైన హోంగార్డ్​ని కఠినంగా శిక్షించాలని కుటుంబ సభ్యులు డిమాండ్ చేస్తున్నారు.

హైదరాబాద్​ అంబర్​పేటలో జూన్​ 3న చే నంబర్​ చౌరస్తా వద్ద జరిగిన రోడ్డు ప్రమాదంలో గాయపడిన శ్రీనివాస్ ఉస్మానియా ఆసుపత్రిలో చికిత్స పొందుతూ ఈరోజు మృతి చెందాడు. కాచిగూడ ట్రాఫిక్ పోలీస్ స్టేషన్లో పనిచేసే హోంగార్డు రాంగ్ రూట్​లో వచ్చి శ్రీనివాస్ వాహనాన్ని ఢీ కొట్టాడు. తీవ్ర గాయాలైన అతన్ని ఉస్మానియా ఆసుపత్రికి తరలించారు. చికిత్స పొందుతన్న శ్రీనివాస్​ ఈరోజు ఉదయం మరణించాడు. ప్రమాదానికి కారణమైన హోంగార్డుని కఠినంగా శిక్షించాలంటూ కుటుంబ సభ్యులు డిమాండ్​ చేస్తున్నారు.

ఇదీ చూడండి : శ్రీశైలంలో జలదృశ్యం- 10 గేట్ల నుంచి ప్రవాహం