Mallu Ravi Latest News: కాంగ్రెస్ పార్టీ రైతు సంక్షేమ పార్టీ అని పీసీసీ ఉపాధ్యక్షుడు మల్లు రవి అన్నారు. రైతు డిక్లరేషన్ను ప్రతి ఇంటికి తీసుకువెళ్లాలని కార్యకర్తలకు సూచించారు. ఎల్బీనగర్ నియోజకవర్గ పరిధిలోని హయత్నగర్లో నిర్వహించిన పాదయాత్ర కార్యక్రమంలో ఆయన పాల్గొన్నారు. హయత్నగర్ డివిజన్ లోని పలు కాలనీలలో తిరుగుతూ తెరాస ప్రభుత్వం చేస్తున్న ప్రజావ్యతిరేక విధానాలను ప్రజలకు వివరించారు.
కాంగ్రెస్ పార్టీ అధికారంలోకి వస్తే నెలరోజుల్లోనే రెండు లక్షల రూపాయల రుణ మాఫీ చేస్తామని చెప్పారు. రైతును రాజు చేయడం కాంగ్రెస్తోనే సాధ్యమని మల్లు రవి అన్నారు. ఈ కార్యక్రమంలో ఎల్బీనగర్ నియోజక వర్గ కో ఆర్డినేటర్ మల్రెడ్డి రామ్రెడ్డి, పలు డివిజన్ల అధ్యక్షులు, కార్యకర్తలు పాల్గొన్నారు.
"వాళ్ల సొంత ఎమ్మెల్యేలకే అపాయింట్మెంట్ లేదు. ప్రతిపక్షనాయకులను మాట్లాడే అవకాశం లేదు. ఒక నియంత, ఒక రాజు పరిపాలన చేస్తే ఏవిధంగా ఉంటుందో ఆ విధంగా ఉంది తెలంగాణలో." -మల్లు రవి పీసీసీ ఉపాధ్యక్షుడు
"కాంగ్రెస్ పార్టీ ఒక సంవత్సరంలో అధికారంలో రాబోతుంది. వెంటనే ఒకే దఫాగా రైతులకు రెండు లక్షల రుణమాఫీ. రైతులకు ఎకరానికి రూ.15వేలు, అదేవిధంగా కౌలు రైతులకు రూ.15వేలు ఇస్తాం. ధరణి పోర్టల్ను వెంటనే రద్దుచేస్తాం." -మల్రెడ్డి రామ్ రెడ్డి ఎల్బీనగర్ నియోజకవర్గ కాంగ్రెస్ కోఆర్డినేటర్
ఇదీ చదవండి: మధ్యాహ్న భోజన పథకంలో .. పల్లీపట్టి బదులు ఈ సారి మొలకలు, బెల్లం
తల్లి ప్రేమను చాటి చెప్పిన ఏనుగు.. బిడ్డ మృతదేహాన్ని వీడలేక నరక యాతన
